أحمد حلمي بعد بكاء زوجته بسبب الانتقادات: المتنمر شخص ضعيف

علق الفنان أحمد حلمي على بكاء زوجته الفنانة منى زكي، بسبب تعرضها للانتقادات والهجوم عليها.

قال أحمد حلمي عبر تصريحات تلفزيونية: «المتنمر شخص ضعيف بيجد قوته في التريقة.. ومختفي ومستخبي ورا الكيبورد».

تعليق أحمد حلمي على انتقادات ضد منى زكي

وتابع: «ومعندوش الشجاعة الكافية أنه يقف يقول رأيه، دي مسألة موجودة في حياتنا وعادي بنتعامل معاها والمهم ثقتك في نفسك».

وكانت الفنانة منى زكي تحدثت عن تعرضها للتنمر وهي تبكي، قائلة: «إزاي بتعامل مع الهجوم؟ بيبقى في انهيار في الأول وبعد كده بلملم نفسي وبقول أنا عندي حاجات أهم في حياتي وأهداف أهم من أي حد بيحاول يكسرني، هما مش شايفين أنا عايزة أعمل إيه، ممكن أقعد في البيت 4 و5 سنين حصلي وبتبقى أقسى اللحظات».

منى زكي وأحمد حلمي

بكاء منى زكي بسبب الانتقادات

واستكملت: «قعادك في البيت مضطرة بتمر بمراحل كتير اكتئاب وانهيار ومحاولة استيعاب أن في حاجات في الدنيا غير الشيء دا وبتحاولي تتفاعلي مع باقي الحاجات الموجودة في الدنيا واعتقد دا بيخف عنك، ومن نعم ربنا الكبيرة وجود زوجي وأولادي في حياتي ده اللي بيخرجني دايمًا من أي انكسار أو ضياع هما شيء أساسي بالنسبة ليا».

واختتمت منى زكي: «هما بيحسسوني أن في دنيا تانية وأهداف تانية في الحياة غير شغلي اللي هو مهم جدًا بالنسبة ليا لأني ابتديت اشتغل من وأنا صغيرة أوي، شغلتي علمتني أبقى إنسانة أكتر الإيجو بتاعي يقل لأنك في لحظات بتكوني فيها فوق في السما وبعدها بتنزلي للبدروم، كانت مساندة كبيرة من الوسط الفني ليا وشكرًا شكرًا مليون مرة».

منى زكي