مخترع الـ «واي فاي» يكشف ما قدمه للبشرية وحجم أرباحه

شبكة «واي فاي».. قال العالم المصري مخترع شبكات الواي فاي، الدكتور حاتم زغلول: «واحنا شغالين على المواصفات القياسية للواي فاي سنة 1999 كنا بنقول لبعض هنعمل إيه عشان الإنترنت ينتشر وأمريكا بجلالة قدرها كان فيها 27 مليون مستخدم للإنترنت من 330 مليون نسمة، مكناش عارفين إن الواي فاي هي اللي هتنشر الإنترنت والفكرة هي سر الانتشار وسرعة الحركة».

وأضاف «زغلول» خلال مداخلة هاتفية ببرنامج «حضرة المواطن» الذي يقدمه الكاتب الصحفي سيد علي بقناة «الحدث اليوم»: «الواي فاي هو اللي حرك الإنترنت وسرع انتشاره وفتح مجالات كبيرة زي الموضوع السياسي في غزة الإعلام البديل له دور كبير جدا، ومن الحاجات الي اتغيرت جامد ان انتباه الفرد صغر جامد دلوقت انتباه الطالب بقى 20 ثانية بدل 20 دقيقة».

وأردف «العالم المصري مخترع شبكات الواي فاي»: «بناءً على الواي فاي اتعمل حاجات كتير في الصناعة وفيه 22 مليار جهاز اتعملو، واحنا كعرب ومصريين موجودين في كل حتة وبنعمل شغل جبار بس الناس مش عارفة».

وأشار: «في سنة 2000 الشركة اللي انا عملتها وكنت مالك فوق 20% منها كانت قيمتها فوق الـ3 مليار دولار، والحمد لله انا فوق المستور بكتير».

اقرأ أيضاًبعد زيادة أسعار باقات الإنترنت.. كيف تحمي الواي فاي من السرقة؟

طرق تسريع شبكة الـ واي فاي في منزلك

طرق زيادة سرعة الواي فاي في المنزل بخطوات بسيطة