أحمد نبيل كوكا يرثي والده بكلمات مؤثرة
رثى أحمد نبيل كوكا، لاعب النادي الأهلي، والده نبيل عاشور بكلمات مؤثرة، وذلك بعد أيام قليلة مرت على وفاته، حيث ظهر اللاعب متأثرًا بشدة بوفاة والدته خلال سرادق العزاء.
وقال أحمد كوكا، في منشور عبر حسابه الرسمي على «فيسبوك»، «آخر صورة لى ابويا ليلة الجمعة اليوم اتوفى في كان قاعد لوحدة برة بيتصور فى البيت كان عارف حبيب قلبى ان ده اخر يوم لى فى البيت ده عمرة ما كنان بيتصور لوحدة كده والله اتصور وساب الضحكة اللى فى الصورة دى علشان نشوفها ونتأكد ان رايح الجنة».
وأقسم كوكا قائلًا: «والله والله والله ابويا ودعنا واحنا بنغسلة بى نفس الضحكة اللى فى الصورة ، كان نفسى تشوف كمية الناس يا بابا اللى كانت موجودة علشان انا عارف انك عارف الناس بتحبك كل الناس بتدعيلك والله وزعلانه عليك».
ومضى يقول: «ربنا يقدرنى يارب فى اللى جاى واقدر اعمل كل الحاجات الحلوه اللى كنت بتعملها والخير ومساعدة الناس اللى كنت بتعملها ، جالنا يا حبيبى بشرة الصبح انك مبسوط عندك ونفسى نجيلك انا وامى واخواتى فى اسرع وقت ربنا يجمعنا بيك على خير يا بابا».
وختم قائلًا: «حلمك انا مكمل فى والله وكل حاجه كانت بتفرحك هتتعمل على اكمل وجه ، ربنا يرحمك ويغفر لك ويدخلك فسيح جناته والفردوس الاعلى من جناتة ، اشوفك على خير يا بابا سلام يا راجل يا طيب».
