أكمل: برنامج رامز جلال فكرتي منذ 2016 وكنت بمشي جنب هيثم شاكر مبهور

كشف المطرب أكمل مفاجأة صادمة بشأن برنامج رامز جاب من الآخر، بجانب مصدر دخله بعد الأزمات التي دخل بها مع شركة الإنتاج وابتعاده عن الوسط الفني.

قال أكمل عبر تصريحات تلفزيونية له، إنه أقام مشروع يشبه برنامج رامز جاب من الآخر منذ عام 2016، مضيفًا: «فتحت مشروع مدينة الرعب من 2016، لأني كنت عايز أخرج برا الصندوق وأعمل برنامج مقالب بس رعب».

أسرار المطرب أكمل

وتابع: «قولت أنتي هنتج برنامج وأنا هقدمه كمذيع، وإحنا بنصور لقيت أن وقت البناء والفك بتاع الديكور في اللوكيشن بفلوس، فقررت أخد محل أعمل فيه اللوكيشن وأنا ببني الناس كانت بتسأل هو إيه ده؟، كنا بنقول مدينة ملاهي هتفتح جديد، والناس بقت تيجي تحجز وتدفع فلوس، قولت طب والله حلو هعمل برنامج يطلع من المكان في 30 غرفة والناس تلعب».

واستكمل المطرب أكمل حديثه عن فكرة برنامج رامز جلال، قائلًا: «دي نفس فكرة برنامج رامز جلال، هو عامل مدينة رامز في السعودية أنا كنت عامل الفكرة دي من 2016، اللي عايز يتفرج على البرنامج ويشوف الحالة دي ييجي يقطع تذكرة ويعيش اللي شافه في البرنامج.. رامز مخدش فكرتي هو عملها بشكل تاني متطور جدًا، الواحد بس كان عنده سبق، واتبسطت جدًا لما رامز عمل ده لأني حسيت أن فكري كان صح، وأنا كنت خايف أن البيزنيس ياخدني عن الغناء، وأنا كل 4 سنين بنزل ألبوم».

أكمل

تصريحات أكمل

تحدث أكمل أيضًا عن تفاصيل دخوله الوسط الفني وتعاقده مع شركة صوت الدلتا، موضحًا أن شقيقه من كان يسعى للغناء ومن ثم عكف عنه والتزم دينيًا، معلقًا: «كنت حابب حياة الفن وأخويا كان عايز يغني وأنا كنت بزقه على الغناء، وكان عندي ملكة أني أغني في أعياد الميلاد وصحابنا لمجرد الظهور، ووالدتي كانت بتقولي أنت صوتك حلو ما تغني أنت كمان، ليه بتزق أخوك بس».

وأضاف: «إحنا كنا عايشين في سلطنة عمان وكنت ماسك شغل أخويا وبقيت أخد له مواعيد من المنتجين، لغاية ما جت مواعيد مقابلات مع منتجين وهو قرر فجأة أنه هيلتزم ومش عايز يغني، هو قعد في الحالة دي 7 شهور وبعدين رجع تاني عادي لأنه كان مرتبط بأصدقاء خدوه في الناحية دي وأنا روحت قدمت مكانه ولقيت أن المنتجين بيقولولي صوتك حلو، ووقتها كنت في أولى ثانوي، وبدأت انتبه أن الكلام لما يجي من منتج ويقولي صوتك حلو قررت أني أغني، وأخويا فضل فترة عنده رهبة الظهور، وأنا لحنت أغنية واحدة وبطلت تلحين وقولت أدي العيش لخبازه، وبقيت أخاف أني لو عملت لحن أكون مقتنع أن هو حلو وهو مش حلو».

واختتم المطرب أكمل: «الجيل كله بتاعنا الحالي زي تامر عاشور ورامي صبري وأحمد سعد، كنا ماسكين في إيد بعض اللي يطلع يشد التاني، وأول واحد طلع فينا الشاعر أحمد علي موسى، وفجأة لاقيناه عامل تملي معاك لـ عمرو دياب، واتخضينا من نجاحه وكان لسة عنده 18 سنة، وأول واحد غنا فينا هيثم شاكر، بقى نجم وكنت بمشي جنبه مبهور في الشارع».

تصريحات أكمل رسلان

أكمل رسلان