ألفت عمر تظهر لأول مرة بعد وفاة والدها: مصدر الأمان والضهر اتكسر

شاركت الفنانة ألفت عمر جمهورها مشاعرها الحزينة، خلال أول ظهور لها، وتحدثت عن تأثرها لفقدانها لوالدها، مشيرة إلى أن الألم كبير الذي تشعر به، واصفة والدها بأنه كان “مصدر الأمان والضهر”.

ألفت عمر تتحدث عن والدها

افتتحت ألفت كلامها: “النهاردة من أصعب المواقف اللي أمر بيها في حياتي قدام الكاميرا، الإنسان لما يفقد أبوه بيحس إن ضهره اتكسر، بدل ما أطلع أضحك معاكم، النهاردة عايزة أشارككم أحزاني”.

تحدثت ألفت عن دعم الناس لها بعد وفاة والدها، قائلة: “بشكر كل الناس اللي وقفت جنبي ودعت له، بابا في مكان أحسن، وإن شاء الله هقدر أعدي الوجع ده بدعواتكم”.

لحظة وفاة والد ألفت عمر

شاركت ألفت تفاصيل اللحظة الصعبة عندما علمت بوفاة والدها، قائلة: “بعد الحلقة الأولى جريت على المستشفى عشان أوري بابا نجاحي وكنت عايزة أفرحه، لكن وصلت ولقيته متوفي من 3 دقايق وحتى أنا اللي سبلتله عينه”.