اخبار الفن ويجز يوجه رسالة لجمهوره في كندا: الإعلام الغربي يكذب.. هناك إبادة جماعية في غزة
وجهه مغي الراب ويجز، رسالة لجمهوره في كنده باللغة الإنجليزية وذلك خلال احياء حفل غنائي في مونتريال، مشيرًا إلى أن الإعلام الغربي يزيف الحقائق في الحرب ضد فلسطين من إسرائيل.
ويجز يوجه رسالة لجمهوره في كندا
قال ويجز أنه يدعم الشعب الفلسطيني ضد الكيان الصهيوني: ‘الإعلام يكذب عليكم وأنا أعلم أنها ليست مفاجأة لبعض الناس ولكن هناك إبادة جماعية في غزة’.
واستكمل ويجز في رسالته شرح ما يحدث، وقال: ‘معظمكم عايش هنا وبيحتك مع اسمهم إيه واللي جمبيهم أو اللي ميعرفوش أصلا فأتمنى كله يبقى عنده الحاجة اللي بتقهرك إن في ناس معندهاش أدنى إحساس بالمسئولية ومتعرفش حاجة عن اللي بتحصل وبجد مغيبة’.
ويجز
وأضاف ويجز بكلامه: ‘هل نحن ندين الإرهاب، نعم نحن ندين الإرهاب وقتل أكثر من 2000 طفل وندين أفعال أمريكا وإسرائيل والفصل العنصري ضد فلسطين’.
السيناريست تامر حبيب يشيد بمغني الراب ويجز
حرص السيناريست تامر حبيب، بالاشادة بمغني الراب ويجز بعد تصريحاته حول القضية الفلسطينية والتضامن معها بشكل كبير أثناء تواجده في حفلات باوروبا.
نشر السيناريست تامر حبيب عبر حسابه بموقع التواصل الاجتماعي فيسبوك، صورة ويجز وقال: ‘روح يا ابني، ربنا يحفظك ويحميك ويحبب فيك خلقه كمان وكمان’.
ويجز يستنكر قصف مستشفى الشفاء في غزة
أعرب مغني الراب ويجز عن استيائه الشديد من قصف مدخل مستشفى الشفاء في قطاع غزة وسيارات الإسعاف، على يد قوات الاحتلال الاسرائيلية.
كتب ويجز عبر حسابه بموقع إنستجرام: «الاحتلال لن يقدر على الرياح، وكل ما يتسعر بتزيد فرصة إنه يعض ديله، كل شيء يكرهك ويتمنى زوالك من الوجود يا معتدي، وهو ما سيحدث بدون ذرة شك قريبا».
ويجز يتحدث مقاطعة المنتجات
تحدث مغني الراب ويجز عن موقفه من حملات المقاطعة للمنتجات التي تدعم الكيان الصهيوني اسرائيل، وذلك بعد تضامنه مع القضية الفلسطينية مؤخرًا بأكثر من حفل له.
قال ويجز في تصريحات تلفزيونية: «دورنا أكبر بكتير مما نظن، مش لازم فلوس قهوتي تروح لإسرائيل، أو تروح لجيش معين، أنا بحاول اشرب كوباية قهوة وحد غيري تاني ينتفع، 2 مدنيين بنحاول نشتري شيء، وليه الناس عمالة تدفع فلوسها لإسرائيل عشان تقتل مجموعة من المدنيين».
وأضاف ويجز في حديثه، وقال: «المقاطعة فكرة جميلة جدا، وأنا من أول الأشخاص المطبقين لها، أما طبعا عمري ما هشرب أي شيء له أي علاقة بهذا الكيان، عمري ما هاكل أي شيء له علاقة بهذا الكيان، لأن فلوسي بنت الامبراطورية دي، انت شربت كم واحدة من عنده، وكلت كم واحدة؟ طب فلوسك دلوقتي اتعمل بيها ايه؟ فلوسك اتبعتت عشان تشارك في حرب غير عادلة وغير آدمية، وكل أشكال التعاطف مع الشعب الفلسطيني مش كفاية».
ويجز يتحدث عن فلسطين
تحدث مغني الراب ويجز عن الأحداث التي تجري حاليًا في فلسطين، بقطاع غزة، وذلك عقب دعمه للقضية بأكثر من حفل قدمه في اوروبا.
قال ويجز في تصريحات تلفزيونية: ‘من وجهة نظري مفيش حد ييجي يكلمنا إن أمريكا ديمقراطية وعندها حرية لأ بالعكس، أنت بس بتحطني على خط أنا لازم أمشي عليه علشان تبقى دي الحرية وأول ما أطلع عنه أهو ده مش حرية ولا حاجة’.
وتابع مغني الراب حديثه، قائلًا: ‘نفس الحاجة أنت بتخاف من الناس المختلفة عنك وبتخاف من أشكال الحياة اللي ممكن متبقاش واخدة نفس الشكل بتاعك، يعني الاستخبارات الأمريكية مش عارفة وأنا اللي عارف اللي بيحصل في غزة؟ لأ هما مليون في المية عارفين اللي بيحصل في غزة’.
وأضاف: ‘اللي بيحصل في غزة معمول حسابه ومعموله خطة والناس دي عارفة كويس هي بتعمل إيه، أنا دوري كبني آدم إيه؟ أنا دوري إني أوصل صوتي واتكلم وأقول على فكرة إحنا مش مغيبين علشان حاجة زي دي تعدي علينا يعني’.
وواصل: ‘طبعًا في ناس بتتفرج على الإعلام الأمريكي ومصدقاه فتغيب يعني أكيد، متقوليش غارات على غزة وتجيبلي بيت واقف واخد طلقتين، يعني مش ده البيت اللي اتقصف ودي مش الصورة الحقيقية’.
ويجز يشارك في مظاهرات ضد اسرائيل
وكان مغني الراب ويجز شارك في إحدى المظاهرات التي تدين العدوان الإسرائيلي على قطاع غزة، والتي تم تنظيمها في ولاية نيويورك بالولايات المتحدة الأمريكية.
نشر ويجز عبر السوشيال ميديا فيديو خلال مشاركته، وقال: «إحنا لسه نازلين الشارع في أمريكا، نيويورك سيتي قافلين محطة مترو كبيرة وكل الناس جوا، والظباط جايبين 90 ألف عربية ومنعوا الناس تدخل علشان بقت زحمة».
View this post on Instagram
واستكمل ويجز حديثه، وقال: «المظاهرة دي معمولة علشان اليهود اللي عايشين في نيويورك طالعين يقولوا مش عايزين المجزرة اللي بتحصل تبقى باسمهم، الناس دي عايزة تبرأ نفسها وتقول ملهاش دعوة باللي إسرائيل بتعمله، دي بداية جيدة، وأنا مبسوط إني في الجزء ده من العالم، وشايف ده بيحصل قدامي، وأتمنى الناس تفوق».
ويجز في حفل كندا
وعلى جانب أخر حرص نجم الراب ويجز دعم شعب غزة في حفلته الذي قدمها في كندا مساء يوم الأربعاء 25 أكتوبر، وذلك من خلال هتافه بالحرية لفلسطين وتفاعل الجمهور معه.
طلب ويجز من جمهور حفلته في كندا فتح بث مباشر عبر حساباتهم بمواقع التواصل الاجتماعي ويرددوا معه هتافات لحرية فلسطين، كي يصل صوتهم للعالم.
View this post on Instagram
