المخرج خالد يوسف يكشف سر خلافه مع هند صبري
تحدث المخرج خالد يوسف عن قابليته للتعاون مع النجمة هند صبري مجددًا رغم الخلاف بينهما منذ تصوير فيلم ويجا.
خالد يوسف وهند صبري
قال خالد يوسف في تصريحات تلفزيونية: “كل الحكاية اننا واحنا بنشتغل فيلم ويجا اختلفنا، مفيش حاجة اسمها الممثل يقول مش عايز أعمل المشهد بالشكل ده، ده يروح يخرج لنفسه ودي وظيفة المخرج”.
واستكمل خالد يوسف حديثه، قائلًا: “الممثل أداة من أدوات المخرج، وعليه إنه يلتزم برؤية المخرج حتى في طريقة التمثيل، ممكن يقول أنا حاسس كذا ويكون متفق مع رؤيتي مفيش مشكلة”.
تصريحات المخرج خالد يوسف
وأضاف المخرج خالد يوسف كلامه: “لكن لو قولت إنها طريقة بعيدة مينفعش يقول مش هعملها غير كده، وحصلت مشكلة مشابهة”.
وانهى خالد يوسف حديثه حول تصريح هند صبري برفضها تجديد التعاون معه، وقال: “معرفش هي قالت كده أو لأ، وهي حرة طبعا وده حقها المطلق، لكن لو هي مش عايزة أنا عايز أشتغل معاها”.
