الناس دول نجوم كبار وجيل تاني

الإثنين 22/يناير/2024 – 09:07 م

علق الفنان أحمد الفيشاوي، على مقارنته بالفنان كريم عبد العزيز، الذي حقق أعلى إيرادات في السينما المصرية خلال الفترة الماضية، مشيرًا إلى أن هناك اختلاف في الأجيال.

وقال أحمد الفيشاوي خلال المؤتمر الصحفي لفيلم عادل مش عادل: إحنا بنتكلم عن نجوم كبار وجيل تاني، والحقيقة فعلًا إني مكنتش مهتم بالإيرادات ودلوقتي أنا شايف غن الممثل بيثبت نفسه في السينما لما يعمل إيرادات في شباك التذاكر، وفيه أفلام تجارية بتقدر تعمل إيرادات عالية بتعدي 150 مليون  وأكتر.

وأوضح أحمد الفيشاوي: وفي المستقبل هنسمع عن 200 و300 مليون لأن السوق بدأ يفتح بشكل سريع ودي حاجة هايلة، وأنا بقيت أهتم بشباك التذاكر؛ لأن ده اللي بيخلي أي نجم سينمائي يقف على رجله.

وأضاف المنتج هيثم حسن: مينفعش إني أطلّع عمل دون مستوى عشان أعمل إيرادات عالية وأكون متواجد، لا لازم العمل يكون راقي ويناقش رسالة وياخد حقه وبعدين موضوع الإيرادات ده بتاع ربنا ومابنبصش على الإيرادات.

أبطال فيلم عادل مش عادل 

يضم فيلم عادل مش عادل العديد من الفنانين، منهم: بدرية طلبة، شيري عادل، دينا، محمود البزاوي، محمد أوتاكا، محمد رضوان، مصطفى أبو سريع، بدرية طلبة، والفيلم من تأليف حسام كمال وأدهم سعيد، والفيلم من إخراج أحمد يسري.