بالفيديو طارق الشناوي يكشف تفاصيل عن علاقته بالزعيم عادل إمام.. فيديو
كشف الناقد الفني طارق الشناوي، عن تفاصيل علاقته بالزعيم عادل إمام، ومدى تقبله للنقد اللاذع في مقالاته بالجرائد.
وأضاف طارق الشناوي خلال لقاء مع الإعلامية دينا رامز، في برنامج أنا وهو وهي، المذاع عبر قناة صدى البلد، قائلاً: «اتذكر مرة وأنا راجع من مهرجان فينسيا، لاقيت مكالمة من عادل إمام، وهو بالمناسبة الكلام اللي هقوله عادل إمام بنفسه قاله في أحد البرامج، طبعًا عادل صوته مميز، برفع السماعة لاقيته بيقولي فينك يا طارق أنا قلقان عليك؛ عشان بقالك مدة مابتشتمنيش، وده كان على سبيل الدعابة».
واستكمل طارق الشناوي حديثه قائلاً: «احنا مابنقولش كلمة نقد.. أغلب الفنانين لما بنقوله رأي سلبي بيقولك ده شتمني، مابيقولش نقد، وقولت للزعيم ماتقلقش أنا لسه راجع من فينسيا وهعود اللي فات كله، وضحكنا».
وقال طارق الشناوي: «عادل زي أي حد في الدنيا، زيي أنا شخصيًا أحب يكون في كلام ايجابي فلما بيكون كلام سلبي ممكن يتضايق شوية، وإلى أي مدى ممكن تتقبل النقد، عادل كان حبة كدة وحبة كدة».
وأكد طارق الشناوي، على أن الزعيم عادل إمام على المستوى الشخصي، شخص ودود، مشيرًا إلى أنه أصبح لا يحتاج لشهادته؛ لأنه أصبح ضمن تاريخ الفنانين العرب، «الضحكة العربية الأولى كانت ولا تزال هي عادل إمام»، العالم العربي توحد على صوت أم كلثوم، وعلى ضحكة عادل إمام.
