بالفيديو نور التوت: «حمو بيكا ظلمني وخد فلوسي».. فيديو

طالب مؤدي المهرجانات نور التوت، نظيره حمو بيكا، بالحصول على حقوقه من أرباح قناة اليوتيوب، التي يتحصل عليها دون وجه حق.

وأشار نور التوت في مداخلة هاتفية، مع الإعلامية نهال طايل، ببرنامج تفاصيل المذاع عبر قناة صدى البلد 2، قائلاً: «يارب اشوف حمو بيكا أحسن الناس انا عمري ما اتمنى له حاجة وحشة، بدل ما يجيب بورش يجيب طيارة بس يديني حقك، وبعد ما عملي محضر وأنا رفضت أعمل له محضر عشان احنا متربين مع بعض، لكنه ظلمني في حياتي كلها وحقي مش هسيبه».

وأوضح نور التوت أنه تحدث مع عمر كمال للصلح مع حمو بيكا، ولكن دون جدوى، قائلاً: «كلمت عمر كمال، لكن كل واحد فيه اللي مكفيه، وكلمت حسن شكوكش، ومش عايز ادخلهم عشان هم صحاب بيكا وصحابي، ومش هدخل حد مطرب هكلم أخواتنا الكبار هم اللي يحلوا معانا، وفي ناس من الإسكندرية هم اللي هيحلوا الموضوع».

ووجه رسالة إلى حمو بيكا، قائلاً: «لو أنا ليا حق عندك عشان خاطر بنتك اللي لسة جيالك وعشان خاطر ربنا اديني حقي، قناة واحدة عاملة مليار و80 مليون مشاهدة، وأنا صوتي في الأغاني دي كلها من أول ما اتعملت لغاية أخرها».