بعد مادلين طبر.. فنانة أخرى تثير الجدل حول الزعيم عادل إمام..فيديو

أثارت الفنانة عفاف مصطفى، حالة من الجدل حول الزعيم عادل إمام، بعد حديث الفنانة مادلين طبر عنه خلال الأيام الماضية.

عفاف مصطفى وعادل إمام

وقالت عفاف مصطفى، ببرنامج تفاصيل تقديم الإعلامية نهال طايل عبر قناة صدى البلد 2 ، إنها ذهبت للزعيم عادل إمام في لوكيشن تصوير مسلسل فلانتينو، بعدما انتهت من تصوير العمل الذي كانت تشارك فيه وتصوره بالقرب من لوكيشن تصوير فلانتينو، لتهنئة على المسلسل، موضحة أن الزعيم كان يتمنى أن تشارك معه في عمله الدرامي.

وتابعت: «الزعيم عادل إمام كان نفسه أشارك معاه في مسلسل فلانتينو، وقولتله بس أخلص الشغل اللي عندي، وأنا جاية علشان أباركلك على المسلسل، وكنت جارته في المهندسين وابنه رامي عارف كده، ولما قابلته في العراف اتوطدت العلاقة بينا».

وأوضحت: «رامي إمام مش بيرد على حد خالص، حتى لما كلمته مردش على الرسايل، وواضح أنه فيه خصوصية، بس أعرف إن في ناس بتزوره في البيت ونفسنا نطمن عليه ونشوفه».

وأضافت: «يمكن أسرة الزعيم عادل إمام بتخجل أن ست تروح تزوره لكن النجمات زي يسرا ولبلبة عشان نجمات صف أول زاروه، وفيه مساحة حوار وصداقة كبيرة بينهم تسمح بالزيارة».

وتابعت، أن الزعيم عادل إمام هو من قام بترشيحها لمسلسل أستاذ ورئيس قسم الذي عرض في عام 2011.

واستكملت: «أنا اتعودت أتواصل مع عادل إمام تلفونيا أو أروح اللوكيشن أسلم عليه وأباركله سواء كنت بشارك في العمل معاه أو لا ، وهو شخصية جميلة ولطيفة جدا وفوق الصورة اللي الناس بتتكلم عنها».

وأوضحت: الزعيم هو من رشحني لدور بمسلسل أستاذ ورئيس قسم، وكان دايما يقولي يا بت يا عفاف أنا محدش بيضحكني في أي لوكيشن زيك.

وأضافت: كان بيبقى مبسوط لما بكون قاعدة معاه، ودايما بحكيله أنا بعمل إيه.. لما بيكلمني ويلاقي صوتي مش كويس كان يقولي ابعتلك دكتور، وتاني يوم يتصل بيا يطمن عليا، هو حد ودود ومحترم رغم كونه قيمة وقامة فنية كبيرة ولكنه متواضع للغاية.

وأختتمت حديثها : رامي إمام أنا أعرفه كويس واشتغلت معاه في مسلسلين العراف وعايزة أتجوز، وهو انسان خجول جدا أكتر ما الناس تتخيل، وأبناء عادل إمام إتربوا تربية خاصة، و رامي مبيردش على موبايله، وبيرفض الرد على كافة الرسائل للإطمئنان على عادل امام، ومن حقي أسال على الزعيم وأشوفه.

كما أضافت: أنا كنت جارت الزعيم عادل إمام في المهندسين وهو معرفة قديمة ومكنش فيه تواصل بينا ولكن علاقتنا أصبحت قوية بعد مسلسل العراف، وكنت استشيره في كافة أعمالي.