بعد 5 أيام من وفاته.. أنوسة كوتة توجه رسالة مؤثرة لـ محمد رحيم

وجهت أنوسة كوتة رسالة مؤثرة لزوجها الراحل الملحن محمد رحيم، بعد 5 أيام من وفاته.

نشرت أنوسة كوتة صورة تجمعها بزوجها الراحل محمد رحيم، عبر حسابها الشخصي بموقع فيس بوك.

رسالة أنوسة كوتة لـ محمد رحيم

وعلقت على الصورة قائلة: «أنا بعمل كل حاجة أنت بتحبها وحبايبك المحترمين كلهم معايا ومش سايبيني.. بحبك وعمري ما هعرف أنساك».

وعلى الجانب الآخر، أثار طاهر شقيق محمد رحيم غضب الكثير من الفنانين والجمهور أيضًا، بسبب تصريحاته الأخيرة وحديثه عن شقيقه الملحن الراحل باستمرار وكشف أسراره في ندوات ولقاءات تلفزيونية، واتهمه البعض أن ما يفعله طمعًا في الشهرة والتريند.

أنوسة كوتة

شقيق محمد رحيم يثير الغضب

كتب المخرج محمد العدل في رسالة لطاهر شقيق محمد رحيم، في منشور عبر حسابه بموقع فيس بوك: «يا أخ طاهر رحيم عيب عليك اللي بتعمله في سيرة أخوك.. أنت إزاي كدة!!؟؟».

وتابع: «أخوك ميستحقش كدة أبدًا منك ولا من أي حد»، وسبق محمد العدل، عدد من نجوم الفن في انتقاد تصريحات وتصرفات شقيق محمد رحيم خلال الساعات الماضية.

كتب محمد العمروسي في منشور عبر حسابه بموقع فيس بوك: «أخو محمد رحيم إنت متاكد إنك أخوه بجد أنا شايف إن الغريب زعلان عليه أكتر منك الله لا يسامحك».

وهاجمت المطربة مي فاروق شقيق محمد رحيم، وكتبت في منشور عبر حسابها الرسمي: «الله يرحمك يا غالي يا ذوق يا محترم عشت كبير ومحترم وهتفضل محترم وكبير وسيرتك سبقاك مهما حاولوا والله».

وتابعت: «لما بيحصل كدة بعد ما مشيت أومال كان إيه اللي حاصل لك وأنت عايش ربنا رحمك عشان أنت طيب وجميل وما تستاهلش القرف ده، مش لاقيه أي اسم للي بيحصل والله ده لا رحمة ولا ذوق ولا أدب ولا دين، ده مش دم ده مايه!! حد يعالج الراجل ده كفايه قرف مردودالك في يومك والله طب احترم اللي كنت عايش تتشرف إنك على اسمه يا أخي، ولا نفسك في الشهرة، وبتركب ترند على سيرة وسمعة واحد الدنيا بتتشرف بيه».

واختتمت مي فاروق: «منتهى الرخص والقرف حسبنا الله ونعم الوكيل كله مردود والله إخص والله ألف إخص».

وكتبت المطربة رنا سماحة: «ربنا يرحمك يا رحيم يا محترم يا طيب، عشت سيرتك زي الفل وسبت محبة في قلب كل إلى حواليك».

واستكملت: «ده أنت طلعت كنت شايل كتير يا جدع القريب والغريب، ويشاء القدر وفاتك تبين للناس كلها أنت كنت شايل إيه وكل اللي بيحاول يستغلك يتعرى في العلن قدام كل الناس، وتخلي اللي يعرفك واللي ميعرفكش يدعيلك بالرحمة ويزود حبك في قلوب اللي حواليك، ادعوله بالرحمه والمغفره، وادعوا لزوجته ولأولاده بالصبر على الابتلاء ويهون عليهم وجع الفراق».