جيلان علاء تكشف حقيقة حملها: شكرا لكل التنبؤات
كشفت الفنانة جيلان علاء حقيقة حملها، بعد تساؤلات جمهورها ومتابعيها عقب نشر صورة لها من العرض الخاص لفيلم مقسوم.
نشرت جيلان علاء صورة لها أثناء حضورها العرض الخاص لفيلم مقسوم، عبر حسابها الرسمي بموقع انستجرام، وعلقت قائلة: «شكرًا لكل التنبؤات والتمنيات».
حقيقة حمل جيلان علاء
وتابعت في تعليقها لتكشف حقيقة حملها، قائلة: «بس أنا مش حامل ومش تخنانة ده الفستان عادي».
وفي وقت سابق، علقت الفنانة جيلان علاء، على ردود فعل الجمهور بعد أول حفلتين لها مع فرقة أرتيكاريا، مؤكدة أنها تعد من أحلى الأشياء التي حدثت لهم.
حقيقة حمل جيلان علاء
جيلان علاء مع فرقة أرتيكاريا
ونشرت جيلان علاء، صورا من الحفلتين عبر حسابها الشخصي على موقع التواصل الإجتماعي إنستجرام، وعلقت قائلة: أول حفلتين لينا الحمد لله جالنا عدد كويس أوى من الجمهور.. ناس عرفانا و أصحاب و قرايب و ناس متعرفناش خالص بس الكل شرفنا وإتشرفنا بوجودهم، أرتيكاريا هى فرقة جديدة من نوعها عشان فيها ميكس من الموسيقى التصويرية اللي بيلعبها عز شهواني وستاند أب كوميدى بنعمله أنا وبكري خالد وأمجد الشرقاوي.
وتابعت جيلان: الفكرة دي من أحلى الحاجات اللى حصلتلنا .. كل واحد جواه فن بيحبه وبيقدمه وبيطلع مبسوط إنه حس إنه قدر بإمكانيات بسيطة يبسط ناس يعرفها وميعرفهاش.
واستكملت جيلان: ردود الأفعال حلوة ومبشرة وبتقول إننا عندنا حاجة حلوة وهنفضل نلف بيها ونقدمها ونسعد بيها الناس ونفسنا.. قليل لما الواحد بينام وهو حاسس إنه عمل حاجة بيحبها.
وأضافت جيلان: المشروع ده بمثابة أدرينالين وسيروتونين بيتفرز جوانا.. أنا مبسوطة بكل لحظة عدت فيه ومتشجعه للمرات إللى جاية إن شاء الله..شكرا لكل الناس اللى جت وخصوصاً اللى كملوا معانا الحفلة لما الكهربا قطعت عليا.. بنحبكوا.
