حفيدة إسماعيل ياسين ترد على تصريحات عمرو سلامة: عيب على سن حضرتك

حرصت سارة ياسين حفيدة إسماعيل ياسين على تصريحات المخرج عمرو سلامة عن جدها، لافتة إلى أن ما قاله كان غير مدروس.

قالت حفيدة إسماعيل ياسين في مداخلة هاتفية مع الإعلامية نهال طايل، ببرنامج إحنا لبعض، المذاع على قناة صدى البلد: «أكيد اتضايقت لأنه في الأول والآخر اتكلم عن جدي».

رد حفيدة إسماعيل ياسين على المخرج عمرو سلامة

وتابعت: «كل شخص لديه حرية يقول وجهة نظره بشكل موضوعي أو ننتقد بموضوعية، مش بقول إن الناس كلها لازم تقول إسماعيل ياسين أحسن ممثل، مثلًا أم كلثوم مفيش حد يختلف على موهبتها! لا طبعًا لكن هناك من أحبها وآخرين انتقدوها».

واستكملت حفيدة إسماعيل ياسين: «ناقشني قول إيه اللي مش عاجبك في أداءه أو ما كان يحتاج تطويره، لكن عيب تقول تصريح زي اللي قولته عيب لسن حضرتك، يجب أن تعرف أن الكلمة مسئولية قدام كل الناس وما أقوله بقيمتي الفنية كمخرج ويجب أن يكون كلام موضوعي».

تصريحات حفيدة إسماعيل ياسين

وأضافت: «غريبة إن شخص متوفي منذ 52 سنة، وفي آخر 5 سنين الناس بتجيب سيرته ويطلعوله إشاعات لحد دلوقتي!.. ليه، وأقدر اعتذار المخرج عمرو سلامة مش هنعلق له المشنقة، وجمهور إسماعيل ياسين مبيستحملوش عليه كلمة».

كما كشفت حفيدة إسماعيل ياسين حقيقة الأنباء المنتشرة بشأن مرور جدها بظروف نفسية صعبة وعمله في ملاهي ليلية ليلبي التزاماته المادية، معلقة: «آخر فترة في حياته تأثرت ظروفه المادية وكان ملتزم بمصاريف أشخاص آخرين من بينهم فرقة المسرح لآخر يوم في عمره، ومكنش ينفع يبطل شغل لأنه عايز يأمن مستقبل ابنه واضطر ينزل للتياتروهات والكباريهات يغني تاني».