حلمي عبد الباقي عن أزمة سارة زكريا والتحقيق معها: مش هتغني تاني
كشف الفنان حلمي عبد الباقي، وكيل أول نقابة المهن الموسيقية، العقوبات التي ستتطبق النقابة على المطربة اللبنانية السورية سارة زكريا، بشأن إهانتها للجمهور في حفلها الأخير بالساحل الشمالي.
الفنان حلمي عبد الباقي قال في تصريحات تليفزيونية، إن المطربة اللبنانية سارة زكريا تخضع للتحقيق حاليا في نقابة المهن الموسيقية، لافتا أنها لن تقيم حفلات أخرى في مصر خلال الفترة المقبلة.
حلمي عبد الباقي وسارة زكريا
وأوضح حلمي عبد الباقي: سارة زكريا في التحقيق، ومع أن المفروض من غير تحقيق تتشطب لأنها مش عضو في النقابة أصلًا ومش هيحصل ده تاني، وهي هتنسى أنها تغني في مصر تاني، ولسه بيتحقق معاها ولكن اجتهاد مني مش هتمسك مايك تاني في مصر واحنا مش هنسمح بده.
حلمي عبد الباقي، تابع أن مجلس النقابة يرحب بأي فنان يحمل جنسية غير مصرية طالما يحترم عادات وتقاليد الجمهور المصري، متابعًا: أهلا وسهلا بأي فنان من بره مصر طالما بيحترم الجمهور وبيحترم المسرح والكلمة اللي بيقولها، أنما أي حد تاني هيخرج عن النص ملوش مكان عندنا.
وأضاف حلمي: مينفعش على مسرح مصري تقولي الألفاظ دي مش هيحصل حتى لو هتكسبنا ملايين مش هنقبل بده والحياة بالشكل ده مش حلو خالص، واحنا مصر واحنا أساس الفن ومنارة الفن في الوطن العربي كله، وفي هجمة شارسه معرفش أيه السبب فيها أنما احنا واقفين بالمرصاد لأي حد يخرج عن النص ويخلي شكلنا كبلد راعية للفن والفنانين تبقى بالشكل ده.
وأختتم: النقيب مصطفى كامل عامل مجهود خرافي أنه بيتصدى لأي مشكلة في نقابة المهن الموسيقية، ومش معقول يا جماعة مش ملاحقيين على كل ده.
