حمو بيكا: قبل الشهرة كنت مرتاح البال ومحدش كبير على الحبس

رد حمو بيكا مؤدي المهرجانات على الانتقادات التي يتعرض لها والتنمر، ووجه رسالة للمتنمرين بأنه يجب عليهم العمل على أنفسهم بدلًا من التنمر على المشاهير.

وتحدث حمو بيكا عن بداياته قبل الشهرة، وكشف أسرار من حياته الشخصية عبر تصريحات تلفزيونية، قائلًا: «قبل الشهرة كنت مرتاح البال وكنت بعمل كل حاجة وأنا حر من غير إضاءة».

تصريحات حمو بيكا

وتابع: «دلوقتي كل حاجة بعملها بحساب وأنا بدأتها من تحت الصفر واشتغلت وتعبت وبقول للناس اتعبوا واشقوا وبقول للمتنمرين بلاش تبقى عامل باقة بـ 50 جنيه وقاعد تتنمر على الناس، ما دي مصاريف أنت أولى بيهم روح اشتغل وشوف الحياة بدل ما تتنمر على الناس».

واستكمل حمو بيكا قائلًا: «كان عندي طموح إني هوصل في يوم من الأيام، وكان حلمي أكون حاجة كبيرة وكنت قاعد مع أمي قبل ما أغني وقولت لها بكرة تبقي فخورة بيا».

حمو بيكا

أزمات حمو بيكا

وقال عن الأزمات التي مرّ بها في حياته’ «حصل مشكلة بيني وبين مراتي في العربية لأنها سمعتني وأنا بقول في التليفون السهرة كانت حلوة، بس البنات دي مكنتش تبعي ولا كانوا في عربيتي كانوا تبع صحابي، وأنا مبحبش وجود البنات في حياتي، والحمد لله علاقتنا مفيهاش مشاكل».

وأشار إلى أن حسن شاكوش أقوى في الأداء من عمر كمال، مضيفا: «محدش كبير على الحبس سواء فنان أو غيره والمشكلة اللي اتاخدت فيها مكنش ليا يد فيها خالص، بس اسمي أتذكر فيها وخرجت في نفس اليوم».

واختتم حمو بيكا حديثه عن أزماته: «هاني شاكر كان حاططني في دماغه ومكنش بيدينا أي اختيار، وكان عاوز يمنعني من الغناء وأنا عندي جمهور كبير، ودلوقتي مصطفى كامل بيحمينا، وربنا يخليه لينا».

حمو بيكا