حنان يوسف: أهلي خافوا من سفاح الجيزة ومتوقعتش ردود الأفعال على المسلسل

كشفت الفنانة حنان يوسف كواليس تحضيرات شخصيتها في مسلسل سفاح الجيزة، موضحة أنها لم تتوقع ردود الأفعال على شخصية والدة السفاح.

قالت الفنانة حنان يوسف في تصريحات إذاعية لها: «متوقعتش ردود الأفعال كنت عارفة أنه هينجح عمومًا.. لكن مش للدرجادي وأنا حضرت أنا والمخرج واتكلمنا كتير في الشخصية وتخيلت شكلها هيكون إزاي».

حنان يوسف مسلسل سفاح الجيزة

واستكملت: «محدش بيصدق حاجة على ابنه.. لكن في الآخر صدقت لما فادية اختفت، وقبل التصوير بنقعد ساعتين نعمل المكياج لرجلي والتحضيرات عمومًا والتحضيرات قبل المسلسل كانت كتيرة وده جمال الشغل مع هادي الباجوري».

وقالت عن تعاونها مع المخرج هادي الباجوري: «مريح جدًا والكل كان في منتهى اللطافة والتعامل كان باحترام.. أنا مبتكلمش مع عيلتي عن العمل قبل التصوير وبقول بس إني بصور مسلسل وأهلي اللي شافوا المسلسل كانوا مبسوطين وفي بعضهم كانوا خايفين يشوفوه».

حنان يوسف في مسلسل سفاح الجيزة

تصريحات حنان يوسف

وروت موقف تعرضت لها بسبب تأثرها بمسلسل سفاح الجيزة، قالت الفنانة حنان يوسف: «أنا شاهدت 4 حلقات ونزلت أصور لقاء تلفزيوني فبعتولي عربية ومن ساعة ما ركبت لغاية لما وصلت كنت فاكرة إن السواق هيخطفني.. أنا دخلت أوي في المسلسل وأتوترت جدًا».

واختتمت: «ابني بيقولي ده تمثيل لكن أنا بدخل جوة الشخصية وفي شخصيات لازم تتقمصيها ودي من الشخصيات اللي تقمصتها».

حنان يوسف في مسلسل سفاح الجيزة