داليا مصطفى تروي ذكرياتها مع الثانوية العامة.. خطأ وراء اتجاهها للتمثيل بدلا من الديكور

تحدثت الفنانة داليا مصطفى عن ذكرياتها مع مرحلة الثانوية العامة، وكيف تمكنت من تخطي مجموعها البسيط ودخولها مجال التمثيل بالصدفة.

قالت داليا مصطفى عبر تصريحات تلفزيونية: «أنا قصتي مثال للي مجابش مجموع كويس، أنا كنت شاطرة جدًا وكان متوقع لي هندسة، وحبيت فلما حبيت عكيت في الثانوية العامة ومجبتش مجموع».

ذكريات داليا مصطفى مع الثانوية العامة

وتابعت: «رغم أني كنت بطلع من الأوائل جبت مجموع سيء تقريبًا 60%، واتحايلت على أمي أني أعيد السنة ولكنها رفضت، ووالدتي سحبت عن طريق الخطأ استمارة من معهد الفنون المسرحية قسم التمثيل بدلاً من الديكور، وبقيت أصرخ وأقول أنا مبعرفش أمثل وقعدت أعيط».

واستكملت داليا مصطفى حديثها: «أول سنة مقبلونيش وأنا نازلة قابلت جلال الشرقاوي وقال لي تعالي على المسرح، وإداني دور في (دستور يا أسيادنا)، والدنيا اتفتحت بعدها من وأنا في المسرح قبل ما أدخل المعهد ودخلت بطولات عمري ما كنت أتوقعها وأثبتت وجودي في حتة مكانتش في بالي».

داليا مصطفى

تصريحات داليا مصطفى

وأضافت: «ربنا دايمًا بيوفق للأحسن، ولو حد جاب مجموع صغير تأكد أن ربنا كاتب لك حاجة أفضل، وأنا سعيدة ولقيت نفسي دلوقتي ووارد تكون نفسك في حاجة وربنا شايف لك الأفضل».

واختتمت داليا مصطفى: «زملائي كانوا شاطرين جدًا وفي منهم مهندسين بس بقوا موظفين ومبقاش بيننا نقطة تلاقي ومبنعرفش نتكلم وأنا حالتي أحسن منهم بكتير».

داليا مصطفى