دينا الشربيني تعلن انفصالها عن حبيبها بعد 3 سنوات: «محصلش نصيب»
أثارت الفنانة دينا الشربيني ضجة واسعة وجدلًا كبيرًا خلال الساعات الماضية، بسبب اعترافها بانتهاء قصة الحب التي أعلنت عنها العام الماضي 2024.
قالت دينا الشربيني عبر تصريحات تلفزيونية: «بعد 3 سنوات من الارتباط تحولت العلاقة بيننا إلى صداقة قوية ولن أنسى دعمه لي في فترة وفاة والدي».
انفصال دينا الشربيني
وتابعت: «كان فيه ارتباط، وبعدين محصلش نصيب، بس الشخص ده بالنسبة لي من أحسن الناس اللي قابلتهم في حياتي لو مش أحسنهم، فيه احترام متبادل بيننا، وأحبه جدًا، وكان داعم أوي لي وقت رحيل أهلي، دي لا تقدر بأي حاجة في الدنيا».
واستكملت دينا الشربيني: «يبقى حد مستحمل أن بيبقى عندك تغير في المزاج سريع وعصبي وملكش نفس في حاجة ومش مصدق، بتبقى سلبي، وإحنا أصدقاء حاليًا وبنتكلم على طول، ظللنا مع بعض فترة طويلة تصل لـ 3 سنوات، وأنا مش متخيلة كنت إزاي هعدي موضوع أهلي وهو مش جانبي».
دينا الشربيني
هوية حبيب دينا الشربيني
وفي مايو 2024 الماضي، كشفت الفنانة دينا الشربيني هوية حبيبها لأول مرة، بجانب أمنتيها في إنجاب الأطفال، قائلة: «زمان كان نفسي يبقى عندي 6 أولاد دلوقتي مش هلحق أخري 2 يبقى كويس».
وتابعت دينا الشربيني عبر تصريحات تلفزيونية: «لأننا 4 إخوات ثلاث بنات وولد لأني بحب العزوة وطول عمرنا كان بيتنا مليان مش بس أنا وإخواتي البيت كان زحمة قرايبنا وجيرانا وأنا بحب كده».
وقالت عن قصة حبها الجديدة: «بالفعل أنا بعيش قصة حب هو شخص بحبه جدًا وجدع جدًا وبحترمه للغاية وبان أصله وقت أهلي وفقدان أبي وأمي لأني من وقتها لسه مش مستوعبة رحيلهم».
وكشفت دينا الشربيني هوية حبيبها لأول مرة، قائلة: «شخص مصري خارج الوسط وليس إعلامي معروف وأنا معتادة إني ماردش على الشائعات أصل كل الناس هتقول وفيه حاجات بتتكتب ماقلتهاش وحاجة بيقولوا إتعملت معملتهاش».
وأضافت: «أول حرف من اسمه حسين ويعمل في مجال بيزنس عائلي خارج الوسط تمامًا وكان بيننا أصدقاء مشتركين وكنا نعرف بعض نتقابل وسط أصحابنا في قعدات عادية حتى الارتباط هو محترم وبيراعي ربنا ومتدين وجدع ولذيذ عاوز يعمل كل حاجه كمشاعر ودعم دون أن يظهر في الصورة دائمًا بيبقى عينه عليا من بعيد».
