رامي صبري عن خلافاته مع ويجز: معندوش خبرة الرد
علق الفنان رامي صبري على الخلافات التي نشبت بينه وبين مطرب الراب ويجز، والتي أثارت جدلًا واسعًا خلال الفترة الأخيرة.
وقال رامي صبري خلال تصريحات تليفزيونية: “كنت زمان بزعل وأنا في سن ويجز كنت بعمل أكتر منه، وهو لسه صغير ومعندوش خبرة الرد. أنا بحبه وبحب فنه”.
وأضاف: “مش عارف ليه اتضايق، بس ممكن حد سخنه عليه. أنا مش ضد أي حد، ومن حق أي شخص يقدم اللي بيحبه طالما مش بيضر حد”.
وفي وقت سابق، أبدى ويجز استياءه من تصريحات رامي صبري بشأن عدم فهمه لكلمات أغانيه، وقال في مقطع فيديو عبر حسابه على “إنستغرام”: “هتكلم على فنان فاكر إن عنده صلاحية يتكلم على حد والناس تسمع وتسكت. الفنان ده اسمه رامي، كل ما يقعد 5 شهور يزهق يطلع يتكلم في التليفزيون عن بتوع الراب. طيب هتتكلم إمتى على بتوع البوب اللي أنت منهم؟ وهتتكلم إمتى عن فنك ومجالك؟”.
ورغم الخلاف، تحدث رامي صبري عن إمكانية تعاونه مع ويجز، قائلًا: “أوافق أشتغل مع ويجز، هو شاطر ومجتهد وناجح. لكن لسه عند كلامي إن في أغاني ليه مبفهمش كلماتها لحد دلوقتي”.
aXA6IDIxMy4xNjUuMjQ3LjkzIA== جزيرة ام اند امز
