رضا سليم: رفضت عروضا من الزمالك وبيراميدز.. وأرحب برفع اسمي من القائمة
الأربعاء 01/يناير/2025 – 12:14 ص
قال رضا سليم لاعب الفريق الأول لكرة القدم بالنادي الأهلي، إنه رفض عروضا من الزمالك وبيراميدز؛ لأن النادي الأهلي هو الأكبر في إفريقيا.
رضا سليم: رفضت عروضا من الزمالك وبيراميدز
وأردف سليم في تصريحات تليفزيونية: موافق تماما على تسجيل يمكن لاعب أجنبي يفيد الفريق مكاني، صحيح جاءت لي عروض من الدوري المغربي والقطري، ولكن الأهلي كان بيرفض، وأنا تحت أمر النادي بالخروج كإعارة أو البقاء.
وأضاف رضا سليم: الشعب المصري من أطيب الشعوب اللي شوفتهم، لما جيت مصر لقيت ناس بتحب الكرة، أكتر حاجة بتفرحهم هيا الكورة، لازم تموِّت نفسك في الملعب علشان الجمهور يحبك، الجماهير لما بتشوفني بتقولي متزعلش يا رضا والفرصة جايه.
وأردف لاعب الأهلي: في حاجه زعلتني من مشجع بعد مباراة باتشوكا قالي أنت جاي تاخد فلوس وبس، بصراحة الكلام دا مش صح؟! أنا مش جاي علشان فلوس، أنا جاي أكبر اسمي وأدي للنادي لأني بحب الأهلي وبحب اللاعبين، وإن شاء الله غدًا نرجع أحسن من الأول.
وواصل رضا سليم نجم الأهلي: مينفعش لاعب يرد على الجمهور، وتشجيع الجمهور بيفوق، وحزنت على عدم المشاركة في مباراة العين، وجمهور الأهلي بالنسبة لي هو اللاعب رقم واحد في إفريقيا.
