زميل أراد إحراجه.. حكاية مشهد أعاده فتحي عبدالوهاب 32 مرة

روى الفنان فتحي عبدالوهاب موقف محرج تعرض له في بداية حياته الفنية، بسبب زميل أراد إحراجه.

قال فتحي عبدالوهاب عبر تصريحات إعلامية: «قابلت أشخاص ممكن يضايقوا في الأول لكن بعدين أنت بتختار العمل فمن عوامل الاختيار بيبقى المخرج وفريق العمل».

بدايات فتحي عبدالوهاب

وتابع: «في بدايتي فيه مشهد عدته 32 مرة، كان الزميل اللي معايا بيضايقني وكان مشهد طويل وماشيين على الكورنيش، لحد ما المخرج جيه في الآخر قال إن المشهد ده مش هيخلص غير لما يطلع مظبوط فممكن نقعد للصبح».

واستكمل فتحي عبدالوهاب: «وأنا مبقتش فاهم فين المشكلة بالظبط اللي بتخلينا نعيد، إحنا ماشيين جنب بعض ومش شايف إيه اللي بيحصل وباصص قدامي، مفهمتش لحد ما المخرج جيه».

تصريحات فتحي عبدالوهاب

واختتم: «وبعد ما قال كده التصوير اللي بعده على طول اتاخد وأنا بعمل نفس اللي بعمله، وده مش شر لكن ضعف».

فتحي عبدالوهاب