سبب خلاف جمال العدل مع محمد هنيدي.. ما علاقة «أرض النفاق»؟

كشف المنتج جمال العدل تفاصيل خلافة مع الفنان محمد هنيدي، بعد تعاقده على الجزء الثاني من مسلسل أرض النفاق مع منتج آخر.

قال جمال العدل عبر تصريحات تلفزيونية: «بعتت رسالة لـ محمد هنيدي على الواتساب عشان عمل موقف معجبنيش.. بعتله صورة بعدما مضى على الجزء الثاني من مسلسلي أرض النفاق لكن مردش عليّ».

سبب خلاف جمال العدل مع محمد هنيدي

وتابع: «وزعلت منه على الملأ لأني كانت عايز العتاب يبقي بيني وبينه لكنه مردش بالرغم إن إحنا بنتكلم كل يومين وبنبعت لبعض نكت وأنا عندي رأي غير كل الناس اللي بتقول إلا أخوك».

واستكمل جمال العدل: «أنا أزعل من أخويا لكن مزعلش من ابن مهنتي لكن أخويا اللي من أبويا وأمي أزعل منه، وممكن نشتغل أنا وهنيدي مع بعض تاني».

محمد هنيدي

نصيحة جمال العدل

كما وجه نصيحته لجيل أحمد حلمي ومحمد سعد ومحمد هنيدي، وهي أن يقدموا عمل سينمائي على الأقل كل عام، ولا يجوز أن يقدم كل منهم فيلم على فترات متباعدة.

واختتم المنتج جمال العدل: «قابلت أحمد حلمي من كام سنة وكانت منى زكي معانا، وقولتله لازم يكون ليك عمل على الأقل في السنة، مش هقولك أحمد زكي وعادل إمام، لأنهم كانوا شغالين بالأربع والـ 5 أفلام»، لافتًا إلى أن أحمد حلمي وبعض النجوم تخشي ألا تحقق إيرادات أو النجاح المنتظر، فتصبح الخطوة أثقل شيئًا فشيئًا.

جمال العدل