سلمى غريب تكشف سر عن فيلم فرحان ملازم آدم بعد 19 عاما.. ما علاقة هنيدي؟
كشفت الفنانة سلمى غريب سر لأول مرة من كواليس فيلم فرحان ملازم آدم الذي عُرض في 2005، موضحة أن العمل كُتب في الأساس للفنان محمد هنيدي.
قالت سلمى غريب في تصريحات تلفزيونية لها: «مش ندمانة على دوري في فيلم فرحان ملازم آدم، والفيلم ده كان مكتوب لـ محمد هنيدي وهنيدي رفض، وبعدين الأستاذ مطيع زايد بعت لي وأنا كنت فاكرة أنه مسلسل».
تصريحات سلمى غريب
وتابعت: «فجأة قال إنه فيلم، وأنا كنت أول ما اشتغلت سينما كرهتها لأنها بتاخد وقت كبير، ولكن لما اشتغلت مع الأستاذ عمر عبد العزيز في الفيلم ده حبيت السينما، وقولت مش هعمل حاجة أقل من دي».
وتحدثت سلمى غريب عن التغيير في الوسط الفني حاليًا، قائلة: «دلوقتي اللي بنتفرج عليه هو هو في كل الأعمال، زمان كان شركة الإنتاج تبعتلي الدور ألاقي عاملة زيه أو مش عاجبني أرفض، وعمر ما حد زعل مني، ودلوقتي لو حد عايزني ضيفة شرف واعتذرت بيتقال ممنوع تدخل هنا تاني، إزاي؟».
سلمى غريب
سبب غياب سلمى غريب عن الفن
وأضافت: «أنا بتعامل مع حاجة بحبها واللي حاطط نفسه في الشركة دي لما بيروح له مليون مؤلف وهو بيرميهم وياخد منهم 3 عاجبينه حد بيقوله أنت إزاي تعمل كده؟ لأ ده حقه يدور على اللي هو عايزه، وأنا كمان حقي كممثلة أدور على اللي أنا عايزاه أنا كممثلة اتخرجت سنة 1993 وعملت أعمال كتير مع ناس جامدة جدًا، أنا اشتغلت مع نجوم مصر، وأجمل حاجة في حياتي أني بدأت مع كبار النجوم، أني من حقي أقول لأ، أنتي قوليلي أتعلم إيه من الجيل الجديد اللي عنده فولورز؟.
كما كشفت سلمى غريب سبب غيابها عن الفن لمدة 7 سنوات، معلقة: «دفعتي في معهد السينما كانت مميزة جدًا لأني كنت دفعة أحمد السقا ورامز جلال ومحمد سعد، وكانوا أحلى 4 سنين في حياتي، وترشيحي لمسلسل حديث الصباح والمساء كان عن طريق المخرج أحمد صابر».
واستكملت: «مسلسل كان فيه 180 ممثل وممثلة، وبعتولي المسلسل قبل ما يبدأوا بـ أسبوع وبقيت مخضوضة ومبهورة، وكان من أحلى المسلسلات اللي عملتها في حياتي وأنا بقالي 7 سنين كده كاشة من الحياة، اتعودت على أسلوب معين أني أشتغل من غير واسطة».
واختتمت سلمى غريب: «ودلوقتي بقيت اكتشف أن ممكن يجيلي تليفون عايزينك في مسلسل بكره الصبح، بكره الصبح أروح أعمل إيه؟ ومتقلقيش المشاهد ممكن تيجي على التليفون وإحنا واقفين، وده جو أنا مش متعودة عليه خالص، يعني لما أجي اتفق اتفق على إيه، أنا مش عارفة أنا فين».
سلمى غريب
سلمى غريب
