شادي شامل: محافظ على العبادات في رمضان وغيّرت شكلي بسبب «العندليب»
أعرب الفنان شادي شامل عن استيائه من ارتداء الفتيات الحجاب في شهر رمضان وخلعه بعد انتهاء الشهر الكريم، موضحًا أنه محافظًا على العبادات طوال العام.
قال شادي شامل عبر تصريحات تلفزيونية: «مش فاهم ليه البنت تتحجب في رمضان وبرا رمضان تقلعه، لو هي بتحاول هحترمها، أصل أنا عمري ما اتربيت في عيلتنا أن في رمضان حجاب وبعد رمضان أعمل اللي أنا عايزه ده رياء».
طقوس شادي شامل في رمضان
وتابع: «مبحبش الرياء اللي هو أعمل حاجة في رمضان وبرا رمضان لأ، وأنا في رمضان بقرأ قرآن وبصلي التراويح وبصوم ومحافظ على العبادات».
واستكمل شادي شامل: «الصيام ده أساسي، العبادات والالتزام في رمضان أكتر وساعات بختم القرآن أو مرتين في الشهر».
شادي شامل
تصريحات شادي شامل
وعلق على هجوم المخرج جمال عبدالحميد عليه بسبب مسلسل العندليب، بجانب حديثه عن الانتقادات التي لاحقته بسبب ارتدائه الحلق، قائلًا: «يعني إيه مسلسل نصباية، اللي بيقوله ده يدينه مع احترامي له، لما هو نصباية عملته ليه؟، ولو أنا مبعرفش أمثل عملت إزاي المسلسل؟، والمسلسل نجح وكسر الدنيا».
وأضاف شادي شامل: «أنا لما جيت أعمل مسلسل العندليب شكلي مكنش له علاقة بعبدالحليم حافظ على الإطلاق، وقالولي أنت متنفعش وقولتلهم أنا هعرف أغير شكلي دي شغلانتنا، وممثلتش بعد العندليب لأني سافرت بعد الثورة وركزت في التلحين، والمنتجين كانوا بيقولوا عايزينك بطل العمل».
واختتم: «ولكني بعدت وبدأت أرجع تاني، ولازم الدور يكون مكتوب حلو، ونفسي أعمل دور سايكو معقد، ومعنديش مشكلة أتخلى عن شكلي من أجل دور، وبتقبل الانتقاد عادي جدًا ولا بيهمني، وأنا مبركزش مع الانتقادات، وأنا تداركت الموقف لما لقيت هجوم علشان لبست الحلق ومبقتش ألبسه، ولكن بمزاجي مش علشان حد هاجمني».
