شقيقة أحمد سامي العدل تكشف اللحظات الأخيرة قبل وفاته: واقفة قدامه قلبي بيتقطع

حرصت رشا شقيقة أحمد سامي العدل على أن تودع شقيقها بكلمات مؤثرة، في الليلة الأولى بعد رحيله عن عالمنا السبت 30 سبتمبر 2023.

ونشرت صورة نادرة تجمعها بشقيقها أحمد سامي العدل عندما كان طفلًا، عبر حسابها الشخصي بموقع فيس بوك، معلقة: «قاعدين على البحر في دهب في ساعة غروب بنضحك وبنعيط سوا ونشتكي لبعض قد إيه أبونا وحشنا».

شقيقة أحمد سامي العدل

وتابعت: «وقد إيه الحياة من غيره صعبة فضفضنا لبعض ووعدنا بعض بحاجات كتير.. رجع القاهرة على وعد بلقاء قريب نتجمع فيه تاني.. وجيه اللقاء بعد مكالمة تليفون الحقي أخوكي تعبان في المستشفى.. جريت عليه لقيت التعب والألم زايدين على عمره عمرين مش عارف يتنفس وكلامه بصعوبه قعدت أكلمه وأضحكه».

واستكملت رشا سامي العدل حديثها عن اللحظات الأخيرة في حياة شقيقها قائلة: «وأحاول أهون عليه شوية وأسيبه يرتاح شوية.. و في عز محاولاتي نقله لمستشفي تانية فقد نبض قلبه لثواني قدامي اتخضيت الدكاترة طمنوني وقالوا مفيش حاجة أهو زي الفل بس قلبي وجعني ولقيتني بقول له عايزاك تسبح وتقول الشهادة معايا».

شقيقة أحمد سامي العدل

أحمد سامي العدل وشقيقته

وأضافت عن أحمد سامي العدل: «وتفضل تقول كل القرآن اللي أنت حافظه يا دوبك لفيت ظهري ولسة هخرج أشوف موضوع الإسعاف ونقله لقيت دكاترة وممرضين في كل حتة حوالين أحمد بيحاولوا ينعشوه 38 دقيقة علي الساعة محاولات وأنا واقفة قدامه قلبي بيتقطع».

واختتمت: «وروحي أنا بتطلع مني ماسكة في خيط أمل من الدخان اتقطع بآخر نفس منه.. و راح أحمد أخويا الصغير الطيب الحنين الهادي».

أحمد سامي العدل ونجله

أحمد سامي العدل