شمس بعد غياب عن الساحة الفنية: بمر بضغط نفسي ومقدرش أقول لحد شغلني

كشفت الفنانة شمس سبب غيابها عن الساحة الفنية الفترة الماضية، وخناقتها مع مؤدي المهرجانات حمو بيكا.

قالت شمس في مداخلة هاتفية مع الإعلامية نهال طايل، ببرنامج تفاصيل، على قناة صدى البلد 2: «أنا موجودة وبشتغل لكن مقدرش أقول لحد شغلني».

غياب شمس عن الساحة الفنية

وتابعت: «زمان مكناش بنتصل بالمخرجين عشان نشتغل، والفنانين اللي اشتغلت معاهم أما بيشوفوني دلوقتي بيصعب عليهم حالي وبمر بضغط نفسي وظروف قاسية».

وفيما يخص أعمالها الجديدة، أوضحت أنها تصور الفترة الحالية مسلسل جديد، ولا تعلم سيتم عرضه في رمضان 2025 المقبل أم لا.

تصريحات شمس في برنامج تفاصيل

وقالت شمس أيضًا: «مش ههين نفسي على كبر عشان لقمة العيش ويُعرض عليّ الكثير من الأدوار الكبيرة وبطولة مطلقة على المسرح لكن مش بكون مرتاحة».

وأضافت: «أنا مش متفاعلة على التيك توك والناس اللي بتظهر عليه بتاخد دعم مادي كبير من المتابعين».

خناقة شمس مع حمو بيكا

وفيما يخص حكاية خناقتها مع حمو بيكا، قالت: «في هذا الوقت أخي كان مريض وتم بتر رجله، وكان بالنسبة لي ابني وفي أول يوم خرج من المستشفى بعد عام ونصف من المعاناة وصحابوا كانوا بيحتفلوا بيه».

واستكملت الفنانة شمس: «في مكان كان موجود به حمو بيكا، أخويا سلم عليه وقال له أنا أخو شمس وصحابه موجودين بيحتفلوا بيه، ورد عليه حمو وقال له شمس مين معرفش حد اسمه شمس وسابه ومشي وأهانه».