شهيرة تعلن غضبها بسبب الهجوم على مي فاروق.. ماذا قالت؟
أعربت الفنانة المصرية شهيرة عن غضبها بسبب الانتقادات التي طالت المطربة مي فاروق عبر مواقع التواصل الاجتماعي.
وقالت شهيرة عبر حسابها الشخصي بموقع التواصل الاجتماعي فيسبوك: أنتم إيه مشكلتكم؟!! تطاول عمال على بطال وبدون سبب؟ والتدخل في حياتنا الشخصية بدون وجه حق.. نفسي من فترة طويلة أتكلم في الموضوع إلى أن وجدت الفرصة الذهبية اللي حمستني واستفزتنى وهو فرح الجميلة مي فاروق”.
وتابعت شهيرة: “إيه الجُرم اللي عملته عشان عايزة تفرح هي وعريسها؟ مالكم أنتم تعمل فرح ولا متعملش؟ ولادها فرحانين ولا مش فرحانين؟ مالكم أنتم أوصياء عليهم؟ إيه الرخامة دي هو أنتم عايزين تلطشوا فينا عشان نفسيتكم تستريح؟! طيب ما تروحوا لدكتور نفسي يريحكم.. وهيلاقي حل أكيد لكمية الحقد والغل والسواد اللي مالي قلوبكم طيب أنتوا بتقولوا إحنا مابنخفش من ربنا”.
وأضافت: “خافوا أنتم منه واتقوا الله في لسانكم هتعملوا إيه يوم الحساب؟ ياللي بتعرفوا ربنا طيب الحديث اللي بيقول هل يكب الناس في النار علي وجوههم إلا حصائد ألسنتهم، إيه موقفكم من الكلام ده ياللي بتعرفوا ربنا هتتشدوا كده من لسانكم على النار بسبب تطاولكم وجرحكم لناس معملوش حاجة غير أنهم اتجوزوا على سنة الله ورسوله، وأعلنوا عن زواجهم طريقتهم مش عجبتكم، أنتوا مالكم ما كل واحد حر في حياته يحتفل ويفرح براحته عيب والله تضايقوا ناس فرحانة وتقرفوهم كده”.
وأوضحت: “المهم الناس دي لو شافوا فنان في أي مكان يجروا وراه بالمشوار ممكن صورة ممكن سلفي.. إيه التناقض العجيب ده، والله دايما أقول بيحبوا الفن والفنانين لدرجة الكره والكراهية بدعي لربنا أن الناس دي تروح تتعالج مش كلام بجد والله، لأن حسابكم بعد كده عسير وبتاخدوا برضه مننا دعوات حلوة.
كانت المطربة مي فاروق والفنان محمد العمروسي احتفلا بزفافهما، الجمعة الموافق 3 يناير الماضي، بحضور عدد كبير من نجوم الوسط الفني والإعلامي، وبعد الحفل طالتهما انتقادات من بعض مستخدمي السوشيال ميديا.
aXA6IDIxMy4xNjUuMjQ3LjkzIA== جزيرة ام اند امز
