طبيب شيرين عبد الوهاب: شيرين عبد الوهاب مشوارها القادم ليس سهلًا وبحاجة لدعم الجمهور
كشف الدكتور نبيل عبد المقصود، أستاذ علاج الإدمان والسموم، والطبيب المعالج للنجمة شيرين عبد الوهاب آخر تطورات حالتها الصحية.
طبيب شيرين عبد الوهاب
وقال طبيب شيرين عبد الوهاب في تصريحات تلفزيونية: ‘شيرين كويسة وفي تحسن مستمر وصحتها أفضل وأمورها تسير بشكل جيد’.
وتابع: ‘شيرين عبد الوهاب في طريقها لطرح أغان جديدة الأيام المقبلة، وشيرين عبد الوهاب مشوارها القادم ليس سهلا وبحاجة للمثابرة والدعم من الجمهور، وهي عايزة تطلع تاني تتكلم مع الناس’.
حالة شيرين عبد الوهاب الصحية
واستكمل نبيل عبد المقصود حديثها، وقال: ‘شيرين وهي في مهرجان تونس، أنا فوجئت بأنها جت وباست إيدي، لكن الموقف يدل على إنها إنسانة طيبة، وشعرت بأن الشخص ساعدها ودي طريقة تعبيرها، وأنا بقدرها وبحترمها وبحبها وهي إنسانة فيها روح وحياة وحساسة’.
وأختتم كلامه، وقال: ‘إللي بياخد مخدرات بعد لما يبطل ويتعافى مينفعش يكمل مع رفيق السوء ولا يتواجد في مكان فيه مخدرات ولا يقعد مع حد بيتعاطى ويلغى كل تليفونات المصادر اللي عنده ويغير رقمه’.
