عاجل والد نورهان ضحية الابتزاز: لما قالوا لي بنتك حامل في 6 شهور حسيت بكسر ظهري
كان نفسي أجوز بنتي زي باقي البنات وأمشي مرفوع الرأس زي كل أب، وبنتي وضعت رأسي في الطين وكسرت خاطري وكسرت أمها وأخواتها تعبت تعب شديد بعد اللي حصل لها وحسيت أني انكسرت بعد ما الناس بقت تبص عليا بصة مش حلوة .. بهذه الكلمات تحدث علاء والد الفتاة نورهان التي تبحث عن نسب طفلها بعد قيام أحد جيرانها باستغلال مرضها وقيامه بممارسة الرذيلة معها تحت تهديد السلاح وقيامه بتصويرها وفضحها في القرية .
كشف علاء والد الشابة نورهان، ضحية ابتزاز جارها لها قائلا: «تعبت تعب شديد بعد اللي حصل لبنتي، وحسيت كأني انكسرت بعد ما الناس بقت تبص عليا بصة مش حلوة».
وعلق والد نورهان خلال لقائها مع الإعلامية نهال طايل مقدمة برنامج تفاصيل، المذاع على قناة صدى البلد 2 تفاصيل الواقعة قائلا: «كان نفسي أجوز ابنتي زي باقي البنات وأمشي مرفوع الرأس زي كل أب، وبنتي وضعت رأسي في الطين وكسرت خاطري وكسرت أمها وأخواتها».
وقال والد نورهان: «دايما الفقير رائحته وحشة وأنا لا أملك شيء في الدنيا لأني شغال فلاح على باب الله محيلتيش حاجة، والغلبان ملوش غير أرضه وعرضه وأنا معنديش أرض وعرضي راح ومبقاش حيلتي أي حاجة».
وتابع والد الفتاة المعتدى عليها من قبل جارها قائلا: «لما قالوا لي بنتك حامل في 6 شهور حسيت بكسر ظهري، ولقيتها داخلة عليا والدمعة في عيني وعرفت منها مين أبو الطفل».
واستكمل والد نورهان متحسرا على حال ابنته: «روحنا النيابة ونورهان اعترفت على عيد بس ورفضت تعترف على اللي كانوا معاه، طب أنتي مستنية إيه تاني؟، و دلوقتى كل الناس بعدت عني بعد اللي حصل».
وتابع علاء: «الناس قالت لي موت بنتك وناس تقولي موت الواد اللي عمل فيها كدا، وطلعتها من المدرسة علشان تراعي إخواتها، وأمها مبقتش تشوف بعين من عينيها الإثنين والناس بتمشي تبصق عليها».
واختتم الحاج علاء قائلا: «مبقتش أقعد في البيت بسبب كلام الناس عني، ونورهان أخدت ابنها عند جدها لأمها ويقول لها أنتِ جاية وشايلة عارك على كتفك ليه؟، أنا كل اللي عاوز أعرفه مين أبو العيل الصغير.
