عمر كمال: اتعالجت نفسيا بعد علاقتي بطليقة أحمد الفيشاوي ومش عايز أخلف
فاجأ المطرب الشعبي عمر كمال الجمهور بأسرار صادمة في حياته، ومنها علاجه النفسي بعد علاقته طليقة الفنان أحمد الفيشاوي.
قال عمر كمال عبر تصريحات تلفزيونية، إنه ذهب لطبيب نفسي للعلاج بعد علاقته بندى الكامل طليقة أحمد الفيشاوي، موضحًا أنه لم يكن متزنًا نفسيًا وقتها.
علاج عمر كمال النفسي بسبب طليقة أحمد الفيشاوي
وتابع: «كل فترة لازم أزور الطبيب النفسي وأفضي كل اللي جوايا، السنة اللي فاتت مكنتش كويس ولا في أحسن حالاتي لكن السنة دي أفضل».
وأضاف عمر كمال حديثه: «حظي وحش في الحب، وفلحت في كل حاجة إلا الحب لم أفلح فيه، والبعض حرف تصريحاتي في أحد اللقاءات التلفزيونية بخصوص علاقتي العاطفية وأهم مواصفاتي في فتاة أحلامي تكون بنت ناس وعايز واحدة شغلتها في الحياة عمر كمال وتكون بنت حلال، ومش نفسي أخلف ومحبش لأن الأطفال مسؤولية ووجع قلب».
ندى الكامل وعمر كمال
سبب رفض عمر كمال من الإنجاب
وقال أيضًا: «مش هعرف أربي ومش فاضي أربي، وأنا أب حنين أوي، وبخرب الدنيا وكمان مش عايز أطفال علشان انفصل بسهولة
واستكمل عمر كمال: «حبيت مرتين، ولم أنجح وانتهت كل القصص عادي، وأنا نجحت في حلم حياتي ولكن الزواج لم أنجح فيه، والزواج العرفي كويس والعلاقات على النت أصبحت كتيرة».
موقف عمر كمال من دخول التمثيل
وقال عن موقفه من التمثيل: «حمو بيكا لازم يمثل لأنه شبه طلعت زكريا، وأنا دمي واقف ومش مقبول في السينما خالص، وجربت أمثل ماكنتش حلو».
واختتم عمر كمال: «مرة واحد شغال معايا في محل براويز قالي أنت لا صوت ولا شكل.. وخدت بكلامه وفضلت مكتئب سنتين.. وناس كتير كسرت نفسي».
عمر كمال
عمر كمال
