عميل يحذر من منتجات يونيون إير: البوتجاز انفجر وتعرضنا للخطر

الجمعة 20/ديسمبر/2024 – 01:16 م

 اشتكى عميل من شركة يونيون إير، من سوء بعض منتجات الشركة المعروضة بالسوق المصرية، معلنًا عن حدوث كارثة كانت قد تسبب في إحداث حريق هائل بسبب بوتجاز يونيون إير.

عميل تحذر من منتجات يونيون إير

وحذر عميل من شركة يونيون إير، من بوتجاز بلت إن وفرن بلت إن، بعد حدوث انفجار في بوتجازه، بشكل مفاجئ، وسط محاولات العميل في التواصل مع الشركة لإيجاد حلول نهائية للمنتج.

وقال: للأسف الشديد إنى اشتريت بوتجاز بلت ان وفرن بلت ان من شركة يونيون اير ويارتني ما اشتريت، لأنه مع بداية تشغيل الفرن لمده 4 ايام شاشة التاتش فصلت والفرن اصبح يفصل لوحده وهو شغال عملت طلب صيانه وحضروا غيروا الشاشة وهو أسبوع واحد والشاشه فصلت تاني  كلمتهم تانى وقولت عايز اغير الفرن لاني دي تاني مره نفس العيب.

وتابع: تواصلت معايا إدارة يونيون اير وبإسلوب لا يوجد به احترافيه نهائى  انهم هيصلحوا مش هيغيروا ولما صممت على التغير سبوني شهر  وردهم كان فى قله الذوق احنا هنعملك ايه وعلشان الزنقه اضطرت أن أوافق على  الإصلاح وتم تغيير الشاشه لثالث مره وبعد الأصلاح باسبوعين عاده الشاشه للفصل مره اخرى على فترات وما زاد المأساه ان البوتجاز البلت ان اللي من عندهم  وكان زجاج.

وذكر: فجأة وبدون سابق إنذار فى الصباح الساعه 10 سمعت دوي انفجار فى المطبخ فتوجهت إلى المطبخ لأجد  الزجاج الخاص بالبوتجاز انفجر وتناثر فى المطبخ كله ولستر ربنا ان محدش كان فى المطبخ  كلمتهم خدوا الموضوع بلا مبالاه وقولتهم ان البوتجاز كان هيعمل كارثه غير الرعب اللى سببوا للاولاد  قالولى  احنا مالناش فيه لازم تدفع ثمن الإصلاح دون اعتذار او معرفه ان تصنعيهم ردئ جدا