في ناس من مصلحتها الزمالك مايقومش وجوميز مستقر ولن يرحل

الإثنين 11/نوفمبر/2024 – 12:49 ص

أكد طارق السيد لاعب نادي الزمالك السابق وعضو لجنة الكرة الحالي أن هناك شائعات كثيرة على القلعة البيضاء خلال الفترة الأخيرة. 

تصريحات طارق السيد 

وقال طارق السيد في تصريحات تلفزيونية: انطلاقة الزمالك الموسم الحالي جيدة 100%، والفريق حصد 6 نقاط بغض النظر عن مستوى الفريق.

وأكمل: جوزيه جوميز بقى مصري مخلط على برتغالي، والزمالك لما بيبتدي يقوم ويظهر وياخد بطولات، بيبتدي تطلع عليه إشاعات، وناس كتير بتخاف من ان الزمالك يفوق. 

وأشار: ليه بس مدرب الزمالك اللي بيجيله عروض ما كولر واخد بطولات كتير، وجوميز مستقر في الزمالك والكلام عن رحيله إشاعات.

و زاد: ناس كتير من مصلحتها إن الزمالك مايقومش، لان الزمالك لما بيقوم بينافس على كل البطولات، وهناك لجان من الأهلي بتشتغل عل الزمالك طول الوقت.

و واصل: ان شاء الله زيزو مكمل في نادي الزمالك ولن يرحل، وأحمد فتوح متأثر نفسيا والله يكون في عونه وبيمر بـ أصعب فترة في حياته

وأتم تصريحاته قائلا: عبد الله السعيد مستمر في نادي الزمالك، وبيقولهم في النادي فين العقود عشان أمضي على بياض عالطول.