قلبي حن ورق لما شوفتك| بث مباشر

يقضي الفنان محمود عامر شهر العسل رفقة زوجته الدكتورة رشا فرج في مدينة الغردقة، وذلك بعدما أصبح حديث الجميع عبر مواقع التواصل الاجتماعي في الآونة الأخيرة، عقب انتشار خبر زواجه في سن الـ 68.

محمود عامر يقضي شهر العسل في الغردقة

ووجهت الدكتورة رشا فرج كلمة إلى زوجها محمود عامر بالتزامن مع احتفالهما بشهر العسل وقرب موعد عيد الحب، حيث قالت: كل يوم إن شاء الله مش يوم واحد بس هنعيش في حب وسعادة.. وربنا يديمه في حياتي ويديمني في حياته نعمة ويهدي سرنا.

وأضافت زوجة محمود عامر أن أكثر شيء نال إعجابها وجذبها إليه هو كونه حنين القلب، مختتمة: ياريت الناس تتمنى الخير لغيرها.. ومحمود معملش حاجة غلط ولا حرام وفرق السن مش مقياس وأهم حاجة التفاهم والوفاق في الشخصية والفكر.. وياريت بلاش الناس تنتقد ويسيبونا في حالنا عشان ننبسط لأننا اخترنا بعض.

ومن جهته، قال الفنان محمود عامر عن زواجه من الدكتورة رشا فرج: قلبي حن ورق ودق لما شوفتها.. وأول مرة سلمت عليها حسيت إني تايه وشردت ولما اتكلمت وفضفضت معاها طبطبت عليا.

وأشار عامر، إلى أنه وصل اليوم الإثنين مدينة الغردقة حتى يقضي شهر العسل مع زوجته بعد احتفالهما بزفافهما يوم 10 فبراير 2024.

وتابع: أنا جيت الغردقة عشان أقضي يومين تلاتة وأرجع تاني عشان عندي تصوير يوم الخميس في مسلسل المداح.