كزبرة يشكر الجمهور بعد نجاح فيلم "الحريفة" وتحقيق أعلى الإيرادات

وجه الفنان كزبرة الشكر لجمهوره عقب نجاح فيلمه ‘الحريفة’ الذي حقق أعلى الإيرادات في السينما المصرية، معبراً عن سعادته الكبيرة بالحصول على هذه الفرصة، التي كانت بمثابة حلم بالنسبة له، حيث كان يتمنى الظهور في مشهد واحد فقط في فيلم.

وفي منشور عبر حسابه على فيس بوك، قال كزبرة: ‘ألف حمد وشكر ليك يا رب على نعمك، الكلام ده من قلبي الواحد.

كان حلمه يظهر في مشهد واحد في فيلم، دلوقتي الحمد لله بقي عندي فيلمين في سنة واحدة من أعلى إيرادات السينما المصرية’.

وأضاف قائلاً: ‘البطل الحقيقي للفيلم ده مش أنا ولا أي حد، البطل الحقيقي هو الجمهور، هو اللي دعم شباب جديدة محدش يعرفهم واديتونا فرصة وخلتونا ننافس على القمة’.

وتابع كزبرة في رسالته: ‘شكراً ليكم بجد، وشكراً لكل الرسائل اللي بتجيلي عن الفيلم والله كلامكم ده فوق دماغي، وأخيراً شكراً لكل حد اشتغل على الفيلم ده من قلبه، وأوعدكم، طول ما ليا أخوات في ضهري بتدعمني، أفلامي الجاية هتبقى كلها مختلفة وحقيقية، استنوا الجديد يا حلي أخوات’.

أبطال فيلم الحريفة

فيلم ‘الحريفة’ من بطولة نور النبوي، نور إيهاب، كزبرة، أحمد غزي، محمد عبد الرحمن، سليم الترك، ومايكل أوين، الفيلم من تأليف إياد صالح، ومن إنتاج طارق الجنايني، وإخراج كريم سعد.