لطفي لبيب بتصريح صادم: أنا شبه معتزل ومحمد سعد يشبه العشوائيات

انتقد الفنان لطفي لبيب أفلام الفنان محمد سعد، موضحًا أنها خالية من الرسالة الفنية.

قال لطفي لبيب عبر تصريحات تلفزيونية: «إضحاك محمد سعد مش شبهنا شبه العشوائيات، والعشوائيات بتنضح سلوك عشوائي، والسلوك العشوائي مرفوض عندنا أفلامه مفيهاش أي رسالة».

لطفي لبيب ومحمد سعد

واستكمل: «إيه الرسالة اللي قدمها محمد سعد للجمهور المصري، الضحك لمجرد الترفيه لازم يكون فيه رسالة أومال يعني إيه فن».

كما كشف الفنان لطفي لبيب أجره في فيلم السفارة في العمارة، لافتًا إلى أنه كان أجره 20 ألف جنيه.

أجر لطفي لبيب

وأضاف: «الفيلم اللي بعد السفارة في العمارة زدت صفر، فارتفع أجري إلى 200 ألف جنيه.. فلوسي أصرفها على ولادي، وأنا أبو البنات عندي 3 بنات ومعنديش مانع بناتي يمثلوا لكن هما مش موهوبين والفن مش وراثة، أنا راجل صعيدي وربيت ولادي على عاداتنا وتقاليدنا وأبو البنات مش بيرتاح لأنه مسئول عنهم ومراتي شالت تربية البنات لوحدها ولما تعبت شالتني أنا وبناتي وأحفادي هعوز إيه تاني من الدنيا؟».

وفيما يخص رأيه في مسلسل جعفر العمدة والفنان محمد رمضان، قال الفنان لطفي لبيب: «معجبنيش مسلسل جعفر العمدة لأنه يتضمن دراما العشوائيات، لكن محمد رمضان ممثل قوي أكتر من كونه مغني».

لطفي لبيب

حقيقة اعتزال لطفي لبيب

كما كشف حقيقة اعتزاله الفن، موضحًا أنه يعاني منذ 8 سنوات من جلطة، معلقًا: «بشتغل يوم واحد في السنة، أعتقد إن ده اعتزال، أنا بروح الاستديو عشان واحشني اللوكيشن، وواحشني جو التصوير اللي قضيت فيه عمري».

واختتم لطفي لبيب: «أنا شبه معتزل بسبب حالتي الصحية، مفيش ممثل صوته رايح ينفع، مفيش ممثل نصه رايح ينفع، ده باختصار شديد».

لطفي لبيب