مأساة آية فتاة بورسعيد بعد اعتداء أعمامها عليها بسبب مكالمة تليفون لوالدتها.. فيديو

كشفت آية المعروفة بفتاة بورسعيد، عن مأساتها بعد اعتداء أعمامها عليها بالضرب المبرح، بسبب مكالمة تليفون لوالدتها.

آية فتاة بورسعيد

وقالت آية، أول مرة اضربت فيها من عمى يوم 4 أغسطس عشان شك إنى كلمت ماما في التليفون، ووشى ورم من الضرب الجامد.

وأضافت آية أثناء حوارها مع الإعلامية نهال طايل، خلال حلقة برنامج «تفاصيل» المذاع على قناة صدى البلد 2، أن والديها منفصلان منذ 11 عاما، وهى تعيش مع عمها، لأن والدها مسافر خارج البلاد.

وقالت فتاة بورسعيد، «بابا كان بيبعت فلوس قليلة وماما طلبت فلوس زيادة قالها لاء، مضيفة أن والدتها، رفعت قضية زيادة مبلغ على النفقة، لأن الفلوس مش بتكفينا، واحنا 3 أخوات، بابا قالها أنا هاخد الأولاد، متابعة أنه قرر أن يأخدها برفقة شقيقها ويترك الأخ الثالث لطليقته.

وأضافت: «قاعدنا معاه شوية مكانش فى أى حاجة جاى يسافر قالنا تعالوا معايا هنروح مشوار روحنا بلد اسمها جديدة، أول ماروحنا معرفش هو كان قايل لهم هناك، أيه علينا أول ماشافونا واحد جاب جنازير وربطنا بيها من أيدينا ورجلنا».

وتابعت، ربط إيدى فى رجلى وضربنا بالأقلام على الوش، وكنا بنقع على الأرض أنا ومهند أخويا من قوة الضرب، كل مانسأله احنا عملنا أيه يقوموا يضربنا أكتر، كل مانسألهم يقولنا احنا بنحب نفترى عليكم قعدنا معاهم شهر.

موضحة بعد مرور شهر، «خدنا عند عمى محمود بعد أسبوع، شك إنى كلمت ماما وسألنى قولتله لاء وسأل أخويا وبعدين قام ضربنى ووقف على زورى برجليها وقالى همتوتك وفضل يضرب لحد ما أغمى عليا، وبعدين سابنا ونزل احنا تانى يوم كنا قاعدين لوحدنا وقعدنا مع جدتى وأول ماالباب اتفتح طلعنا نجرى فى الشارع روحنا لماما وبابا كلم ماما قالها رجعهم عشان هما بيدورعليهم».