مجموعة من الأشخاص يقتحمون مدرسة بالنزهة ويعتدون على طالب

الخميس 13/فبراير/2025 – 02:04 ص

اشتكت إحدى مدارس اللغات بحي النزهة من قيام  مجموعة من الأشخاص باقتحام أحد فصول المدرسة والاعتداء على طالب بشكل مبرح أمام زملائه في الفصل.

وكتبت صفحة مدرسة إسلام مشهور للغات أولياء الأمور على فيس بوك تفاصيل ما حدث في منشور جاء فيه: 

ارهاب وبلطجة في مدرستنا 

النهاردة وفى غياب مدير المدرسة لظروف مرضيه دخلوا مجموعة من البلطجيه زقوا باب فصل 5 على مدرس العربي م حاتم وضربوا ولد ضرب مبرح ادام الاولاد كلهم وكل الاطفال اللى فى الفصل راجعين منهارين وبيعيطوا والحكايه ان ابن مدام من البلطجيه اللى جم المدرسه اتضرب امبارح من ٤ ولاد هى بتقول من فصلنا وده غلط طبعا لكن هي اتصرفت تصرف اكبر غلط وارهاب وبلطجة وجابت ناس وطلعت هى وهما الفصل وفتحوا الباب بالعافيه على المدرس وخلت ابنها يشاور على اللى ضربه والولد شاور على ولد من الفصل اسمه اسر محمود ابراهيم مظلوم وملوش اى دعوة بای حاجة 

وخلت ابنها الكبير يضرب آسر ضرب مبرح بالبونيات في وشه واسر انهار من العياط والضرب وقعت دماغه على الديسك

فضل يضرب على ضهره والبنات كانت بتعيط والولاد منهارين من اللي حصل