محمد العمروسي يكشف عن قصة حبه لزوجته مي فاروق: هي نور حياتي

تحدث الفنان محمد العمروسي عن زوجته مي فاروق وكيف جمعتهما الصدفة لتبدأ قصة حبهما، مؤكدًا أن لقاءهما كان بمثابة “رزق من الله” وجاء في الوقت المناسب ليضيء حياته.

قال محمد العمروسي في تصريحات تلفزيونية: “مي فاروق الرزق اللي ربنا بعتهولي، اتعرفت عليها بالصدفة، شعور لما تبقى ماشي في ضلمة وفجأة تلاقي النور، هي وشها حلو عليا جدًا وجات نورت حياتي، الحياة استقرار، استقرار روحك، وأنا روحي استقرت معاها ودي كانت أهم حاجة بالنسبة ليا”.

وتابع العمروسي: “اتقابلنا في فرح المخرجة بتول عرفة وهاني الطمباري، أنا كنت متضايق ومش عايز أروح الفرح، وهي كمان مش حابة تروح”.

وأضاف: “صديق لي ألح علي وروحت الفرح، وهي كمان حضرت اتقابلنا ولما حكينا لبعض المواقف عرفت أن ربنا بيقربنا من بعض وعايزنا نتقابل”.

وأوضح محمد العمروسي كيف أن العلاقة بينهما بدأت بشكل طبيعي، حيث قال: “هي بالنسبة ليا ست البنات، مش بشوف حد غيرها. هي حاجة كبيرة أوي بحترمها، وهي بتحترمني، وبتمنى ليها كل التوفيق والسعادة”.

وكانت الفنانة مي فاروق قد احتفلت بزفافها على محمد العمروسي يوم 2 يناير 2025، في حفل خاص حضره عدد من النجوم، ليبدأ الزوجان حياتهما معًا في بداية جديدة مليئة بالحب والسعادة.