محمد علي رزق عن الهجوم ضد غادة عبد الرازق: توقعت إني هقابل ريتشارد قلب الأسد
تحدث الفنان محمد علي رزق الهجوم الذي تتلقاه النجمة غادة عبد الرازق والكلام الذي يخرج عنها حول تدخلاتها في التصوير وصعوبة التعامل معها.
محمد علي رزق وغادة عبد الرازق
قال محمد علي رزق في تصريحات إذاعية: ‘غادة ست جميلة جدا، أنا كنت داخل أول يوم تصوير وأنا سامع كمية إشاعات إني هقابل ريتشارد قلب الأسد، أول مشهد بيني وبينها تاني يوم تصوير ليها، مشهد أنا بعيط أن مراتي وابني مشيوا وسابوني’.
واستكمل محمد علي رزق حديثه، وقال: ‘شخصية مصطفى كانت بتاخد مني تركيز كبير قبل التصوير، كنت قاعد ومركز جدا في مود المشهد أستاذة غادة دخلت ودا كان أول لقاء قعدت جنبي’.
تصريحات محمد علي رزق
وأردف كلامه: ‘سألتني إن كنت مبسوط في التصوير عشان أول يوم تصوير كان عندي مشاهد مهمة، وقلت لها إني عملت شغل حلو بشهادة الناس لكن أنا مش بحب اتفرج على نفسي’.
وأختتم محمد علي رزق حديثه، وقال: ‘لقتني سرحان في المشهد وعمال أسبح وبدأت دموعي تنزل، راحت هي نايمة على كتفي وكل دا قبل التصوير ولقيتها بتعيط على كتفي، كانت بتساعدني عشان أدخل في المود، لدرجة أن حد على صوته طلبت منه يوطي صوته عشان أعرف أركز، وبعد ما خلصنا رحت ليها وشكرتها وكنت مبسوط بالشغل معاها’.
