مروة نصر تكشف عن معاناتها الصحية: بعد ما اتجوزت قعدت 6 شهور بين العمليات والغموض الطبي

كشفت المطربة مروة نصر عن فترة صعبة مرت بها عقب زواجها، استمرت خلالها لمدة 6 أشهر تعاني من آلام غامضة وتنقل متكرر بين المستشفيات دون معرفة سبب واضح لمرضها.

وقالت مروة نصر في تصريحات تلفزيونية: “أول فترة بعد ما اتجوزت، قعدت في المستشفى 6 شهور، مكنوش عارفين أنا عندي إيه، عملت عمليات كتيرة جدًا، كان منهم واحدة مع دكتور كبير جدًا في مصر”.

وأضافت: “الدكتور قالي لازم نعمل العملية بكرة، لأن كان بيطلعلي حاجة زي الدمل في بطني، كانت بتكبر 6 سم وبعدين تنفجر، ليلة العملية عمل سونار، ولما دخلت لإجراء العملية خرج الدكتور وقال لي: مروة اللي شفته في السونار ملقتهوش. ولحد دلوقتي معرفش إيه دا”.

وأشارت مروة إلى نقطة التحول التي غيرت مسار مرضها: “رحت عملت عمرة، وأول ما رجعت البيت حصلت حاجة غريبة، دخلت الحمام ولقيت الأرض كلها دم”.

واستكملت مروة نصر  وبعد كده، بقيت شخص طبيعي جدًا، محدش لحد دلوقتي عارف كان عندي إيه، الله أعلم، يمكن سحر أو عمل، لكن من اليوم دا مبقتش أحس بأي ألم في بطني”.