مش عارفين هنبات فين ولا هنعيش إزاي| بث مباشر
شهدت منطقة العطارين في محافظة الإسكندرية، اليوم الخميس، حادثًا مأساويًا نتيجة انهيار عقار مأهول بالسكان في شارع الليثي، وعلى الفور انتقلت الجهات المعنية لموقع الحادث للبحث عن مفقودين واتخاذ الإجراءات اللازمة حيال ذلك.
انهيار عقار في العطارين بالإسكندرية
وقالت عزة عبده، إحدى سكان عقار العطارين، إن المبنى قديم وكان به بعض التلفيات التي تحتاج للإصلاحات، لافتة إلى أن ملاك العقار الأساسين ليسوا مقيمين به ولم يهتموا بحالته.
وواصلت: جبنا مقاول عشان نرمم البيت ولمينا من بعض فلوس وكنا مجهزين جزء منها امبارح على أساس إننا نبدأ شغل.. بس سمعنا صوت طقطقة في البيت وكنا قلقانين واكتشفنا إن فيه سقف من أول دور وقع على الدور الأرضي.
وأضافت السيدة عزة عبده، أنهم هرعوا إلى الشارع وأخلوا العقار خوفًا من انهياره وهم بداخله، وبالفعل بعد خروجهم منه سقط العقار بالكامل أمام أعينهم.
وواصلت: الحمد لله إحنا خرجنا من العمارة بالسلامة ولكن للأسف كل ممتلكاتنا ضاعت.. والمشكلة الأكبر إننا مش عارفين هنبات فين مكنش لينا مكان غيره.. مش عارفين هنعيش إزاي على الأقل عاوزين حاجتنا اللي كانت في البيت.
