معاناة وتعذيب وراء انفصال رنا سماحة وسامر أبو طالب.. إعلامية تكشف السر

كشفت الإعلامية مروة صبري سبب انفصال رنا سماحة وسامر أبو طالب، موضحة أنها تعيش معاناة منذ فترة.

قالت مروة صبري عن انفصال رنا سماحة والملحن سامر أبو طالب، عبر تصريحات تلفزيونية: «أنا صديقة مقربة جدًا من رنا سماحة والنهاردة هكلمكم عن حاجات لأول مرة هتتقال».

سبب انفصال رنا سماحة وسامر أبو طالب

وتابعت: «أنا كلمت رنا بعدما أعلنت طلاقها قالتلي هقولك كلام ولأول مرة هقوله وعايزاكي تطلعي تقوليه عن لساني، أنا اتطلقت بقضية خلع مش طلاق طبيعي وعايشة معاناة بقالي فترة طويلة جدًا وتقريبًا كنت في حالة تعذيب معاه من أول ما اتجوزنا ولما كنت حامل في ابني مالك كان في انفصال حصل ومشاكل كتيرة».

واستكملت الإعلامية حديثها عن تفاصيل انفصال رنا سماحة وزوجها، على لسان الفنانة: «وحاولت اتجاوز ومش بحب أطلع أتكلم في الإعلام عن مشاكلي الشخصية وحاولنا نكمل الحياة مرة تانية لكن الموضوع مقفول تمامًا، أنا رافعة قضية الخلع من 6 شهور وهو رافض يديني حقوقي وقالي لازم تتنازلي عن كل حقوقك وأنا في سبيل إني أخد حريتي وأبعد عنه قررت أتنازل عن كل حقوقي وحقوق ابني وأعمل خلع».

تصريحات مروة صبري عن انفصال رنا سماحة

وأضافت مروة صبري: «اللي أنا مستغرباه أن رنا أول مرة تتكلم، رنا بطبيعتها وأنا صديقتها مش بتحب تتكلم عن أي مشاكل، لكنها قالت إن كان في ناس كتير جدًا من المقربين منهم كان بيحاول يصلح العلاقة بينها وبين طليقها سامر في البدايات وقت ما كانت حامل ومن ضمنهم المطرب الراقي المحترم رامي صبري».

واختتمت: «وبالفعل نجح في ده ورجعوا لبعض، وقالت إن رامي صبري حاول أنه يتدخل مرة تانية في الموضوع اللي بقاله 6 شهور وكانت مش حابة تتكلم لحد ما تاخد حريتها ولكن الموضوع مش نافع وعلى لسان رنا سماحة قالت سامر مكنش بيصرف عليا لا أنا ولا ابنه أنا قاعدة مرمية في بيت أبويا وأمي بقالي 6 شهور مش عايز يصرف جنيه على ابنه، رافض أن هو يدخلهم شقة الزوجية وهو اللي قاعد فيها».

رنا سماحة

رنا سماحة وزوجها سامر أبو طالب