منة فضالي تكشف عن صدمتها النفسية بسبب أذى الأصدقاء: الغدر من أقرب الناس
كشفت الفنانة منة فضالي عن تعرضها لصدمة نفسية كبيرة بسبب الأذى الذي لاقته من أصدقائها المقربين، مؤكدة أن مفهوم ‘عشرة العمر’ يجب أن يُطلق فقط على من يستحقه.
وكتبت منة عبر حسابها الرسمي على فيسبوك: ‘اوعى تصدق أبدًا الصداقة وعشرة العمر، دول أكتر ناس غدارة ومؤذية وأول ناس تطعنك في ظهرك، كلمة عشرة العمر دي لازم تكون للي يستاهلها’.
وأوضحت منة فضالي أنها شعرت بخيبة أمل كبيرة تجاه بعض المقربين منها، قائلة: ‘العيش والملح مبقاش ليهم مكان في الزمن ده، كله بتاع مصلحته بس’.
واستكملت منة فضالي كلامها: ‘اللي يحزن لما تكون مآمن ومش مخون وده ناتج إنك متربي كويس أوي، بس اللي قدامك أصفر وسواد من جواه’.
وأضافت: ‘أنا أكتر حد اتخم في اللي حواليه، واللي كنت فاكرهم أصحاب هم أكتر ناس وجعوني وآذوني’.
واختتمت منة حديثها بالتأكيد على تمسكها بقيمها وأخلاقها رغم الصدمات التي تعرضت لها، قائلة: ‘بس أنا مش حتغير، حفضل زي ما اتربيت جدعة وصادقة ونظيفة وأبيض، ومهما كان اللي حواليا عمري ما حتغير، ربنا كبير أوي وكله مردود، الحمد لله على نعمة التصالح مع النفس واكتفاء الذات’.
