«موتوني 4 مرات».. أول تعليق من خالد الصاوي بعد شائعة وفاته
خرج الفنان خالد الصاوي وعلق على انتشار شائعة وفاته، كما حرص على طمأنة جمهوره على حالته الصحية.
قال خالد الصاوي في فيديو نشره عبر حسابه الرسمي بموقع إنستجرام: «السلام عليكم إزيكم يا أحبائي؟.. أنا سمعت إني مت إمبارح، جيت أطمن، خير في حاجة ولا إيه؟».
شائعة وفاة خالد الصاوي
وأضاف: «على العموم بالنسبة للشخصيات اللي بيقولوا كده، أنا موتوني 4 مرات من 4 سنين، وأحيانًا قالوا إن كمان أولادي ماتوا، اللهم احفظنا طبعًا، بس أنا معنديش ولاد ومش هقول الناس دي نواياها إيه، لما تطلع إشاعة أكيد عندك غرض؟، ولا أنت بلا شخصية؟».
واستكمل خالد الصاوي: «طب أنت عارف إن ده ممكن يكون تأثيره سيء على الأهالي؟، ما علينا، أول حاجة الشخص اللي بيعمل كده ده كاذب، فهو عايز لايكات، نطلع من الحساب بتاعه وننبه الآخرين إنه كذاب».
خالد الصاوي
آخر أعمال خالد الصاوي
واختتم الفنان خالد الصاوي: «بأكد إني في الحاجات الضرورية جدًا والحساسة، لازم أطلع أؤكد أو أنفي الحاجة، وتأكدوا يا جماعة، إن أنا لو مُت هكون أول واحد يطلع ويقول»، معلقًا على الفيديو: «خالد مش نفر خالد خيال والخيال لا يموت».
يشار إلى أن آخر أعمال خالد الصاوي مشاركته في فيلم رحلة 404 مع الفنانة منى زكي، ومسلسل صدفة ضمن موسم دراما رمضان 2024 مع الفنانة ريهام حجاج.
View this post on Instagram
