ميرنا وليد بتصريح صادم: قطعت فستان فرحي وكرهت التمثيل بسبب فنان وفنانة
اعترفت الفنانة ميرنا وليد لأول مرة بأسرار وذكريات، من حياتها الشخصية وكواليس مشوارها الفني.
قالت ميرنا وليد عبر تصريحات تلفزيونية: «من وأنا صغيرة ماما كانت بتروح الكوافير وأنا كنت أروح معاها كانت بتعمل شعرها وأنا بقعد اتفرج على المجلات وفيها فساتين أفراح».
تصريحات ميرنا وليد
وتابعت: «كنت أدور وأقول فستاني هيبقى كده واختار الفستان، قعدت كده سنين، ولما جيت أتجوز حجزنا فندق وبعدها كلمونا اعتذروا أن الفندق هيبقى فيه تجديدات في الوقت ده، فقررنا نغير ميعاد الفرح وخليناه بدري، مكنش ساعتها فيه فستان فقالولي فيه واحدة بتعمل فساتين حلو في مصر الجديدة».
واستكملت ميرنا وليد: «جبت الجزء اللي فوق من برا وقلت تعملي هي باقي الفستان وشرحت لها عايزاه إزاي، وتاني يوم استلم الفستان وفرحي بعدها بيوم، لقيته وحش أوي قلت لها وحش قالتلي معلش عشان الوقت وأنتي عايزة تستلميه رحت قطعته».
أسرار ميرنا وليد
وأضافت: «أنا هلبس الفستان مرة واحدة.. ليه ألبس فستان مش حباه وفضلت قاعدة معاها عشان تعمل الفستان وتظبطه، فيه حاجات في الحياة مش هتتعوض، أنا مش رايحة حفلة لو الفستان معجبنيش مش هروح، لكن ده فرحي، وفضلت قاعدة طول الليل عشان استلم الفستان».
كما كشفت ميرنا وليد عن فنان وفنانة لا ترغب في العمل معهما مجددًا، والسبب أنهما جعلاها تكره التمثيل، معلقة: «هناك أشخاص عملت معهم مرة واحدة وقررت ألا أكرّر التجربة مهما حدث، بعض الأشخاص يكون التعامل معهم صعب في موقع التصوير، ومنهم ممثل وممثلة».
واختتمت: «لست مستعدة للذهاب الى موقع التصوير يوميًا ومقابلتهما، فأنا شخص يفضل قضاء يومه بهدوء وراحة ولطف بدون توتر».
ميرنا وليد
