وائل عبدالعزيز يكتب وصيته: أنا في أزمة نفسية وحاسس مش هكمل

أثار الفنان وائل عبدالعزيز ضجة واسعة وجدلًا كبيرًا خلال الساعات الماضية، بإعلانه عن أزمته النفسية وكتابة وصيته.

كتب وائل عبدالعزيز في منشور عبر حسابه الرسمي بموقع فيس بوك: «أنا في أزمة نفسية بقالي سنين وإحساس عندي قوي مش هكمل كتير وتعبت وعايز ارتاح خلاص ووصيتي هكتبها هنا».

وصية وائل عبدالعزيز

وأضاف: «أنا مش عايز عزاء ومحدش ياخد عزائي تمامًا وياريت دفنتي لا تعلن ولا حد يحضرها غير ابني وأخويا فقط ربنا يديهم طولة العمر وعايز أدّفن في مدافن أخوات أمي وأنا عارف ومتاكد أن كل الناس هتدعيلي بالرحمة».

واستكمل وائل عبدالعزيز وصيته: «ومش طالب أكتر من كده وأنا مسامح كل الناس اللي حصل بيني وبينهم أي مشاكل من أي نوع إلا 5 أشخاص فقط».

تصريحات وائل عبدالعزيز

واختتم: «وعند الله تجتمع الخصوم.. هو الحكم العدل.. وأخيرًا ربنا يحسن خاتمتي يارب.. أكيد فوق أحلى من الحقد والغل والجحود والحروب النفسية اللي عايشين فيها دي».