ياسمين رئيس: ابني معترض على عملي بالتمثيل وزوجي وشه حلو عليا
كشفت الفنانة ياسمين رئيس أسرار عن حياتها الشخصية والفنية أيضًا، وموقف نجلها سليم من عملها بالفن.
قالت ياسمين رئيس عبر تصريحات تلفزيونية: «سليم ابني على أبواب المراهقة، ومكنش فاهم أنا بشتغل إيه ولا تمثيل يعني إيه، واحدة واحدة لما بدأ يكبر يفهم أنا بشتغل إيه».
ياسمين رئيس وابنها
وتابعت: «وبعدين لقيته بيقول لي الشغلانة دي بتاخدك طول الوقت وبتغيبي طول الوقت فهو شايف إن الشغلانة بتاخد الوقت وهي دي مشكلته معايا، هو عايز أمه وأنيمه وأحكي له حدوتة وأبقى معاه معظم الوقت وده حقه».
واستكملت ياسمين رئيس: «أنا حطيت في دماغي أعمل حاجة كوميدي للأطفال خاصةً إن سليم ابني قال لي اعملي حاجة كوميدي لأني مش فاهم التمثيل اللي انتي بتعمليه».
ياسمين رئيس
إصابة ياسمين رئيس في فيلم الفستان الأبيض
وقالت عن كواليس فيلمها الجديد «الفستان الأبيض»: «زوجي كان وشه حلو عليا في الفيلم، وكنت مركزة في الشغل ومتفرغة له عشان أخلص الفيلم».
وأضافت ياسمين رئيس: «كان فيه مشاهد صعبة واحنا ماشيين في وسط البلد كنا رايحين جايين في نفس الشارع، وسرقتي للفستان كان من المشاهد الصعبة أيضًا، وصعوبة الفيلم إن الأحداث كلها بتحدث في يوم بليلة، إلى جانب تصويره المشاهد كلها بالشارع، وقعدنا سنة كاملة في التصوير بنفس الفستان، وكنت قلقانة نقف خوفًا من زيادة الوزن، ابتدينا بلبس صيفي والشتاء دخل علينا وفي يوم اضطريت إننا نلبس هدوم زيادة من تحت عشان منتجمدش أنا وأسماء جلال»ز
واختتمت: «في وسط البلد جالي شبه ارتجاج في المخ في أحد المشاهد لما اتزحلقت ووقعت أنا وأسماء جلال، أنا وقعت على عربية وأسماء جلال اتخبطت في ركبتها، وجابولي دكتور كشف عليا وكان لازم أكمل تصوير.. وأنا في حياتي بتعصب كتير والحمد لله بعدت عن العصبية بسبب ألم شعرت به في رأسي وكنت مضغوطة في حياتي».
ياسمين رئيس
