«يبكي ومتدمر»| تطورات صادمة بحادث عصام صاصا.. وزوجته تكشف حالته النفسية وحقائق جديدة

كشفت جهاد ماهر زوجة عصام صاصا مؤدي المهرجانات تفاصيل جديدة وتطورات صادمة، لتؤكد على براءة زوجها حتى أنها غيّرت صورة حسابها الشخصي بصورة له مكتوب عليها «عصام صاصا مش مجرم».

وكتبت زوجة عصام صاصا عبر خاصية الستوري التابعة لحسابها الرسمي بموقع انستجرام: «مر من 4 سنين وقعنا في مشكلة كنت أنا وعصام لوحدنا عيشنا أيام وحشة أوي بجد محدش كان بينصحني ولا حد كان واقف معانا».

تطورات جديدة في حادث عصام صاصا

وتابعت: «بس بعدها لما صبرنا ربنا عوضنا عوض كبير أوي في الرزق وحب الناس والشغل فدلوقتي في عز كسرتي واثقة في قضاء ربنا وعارفة إن ده امتحان ودرس من عند ربنا وعلى قدر ما هنصبر على قد ما هتفرج».

كما كشفت تطورات جديدة في حادث عصام صاصا قائلة: «عصام مخدش 7 سنين ومفيش حكم أصلًا.. بتقولوا عصام كان شارب معرفش إيه وإيه وإيه ولحد دلوقتي نتيجة التحليل مظهرتش مكتوب فيها إيه.. حاسة إن شوية وهيطلعوه إرهابي وسارق فلوس الناس ولا عشان إحنا مش بنرد.. متقلقوش هانت بس كل واحد عمل فيلم من دماغه ميرجعش يزعل الحساب يجمع».

حادث عصام صاصا

أزمة عصام صاصا

وأضافت: «عصام مش قادر يطلع يرد من الأذى النفسي اللي هو فيه قدروا ده وافهموا هو مش عاجز إن هو يرد بس مش قادر مفيش طاقة.. معانا كل الإثباتات إن الحادثة قتل خطأ وفيه شهود، بس جوزي تعبان كل ما ييجي يتكلم مع حد يفتكر الموقف ينهار ويعيط مش لازم بقى يطلع شوفو يا جماعة أنا مكسور إزاي شوفوني وأنا متدمر.. عيب عيب اللي بتعملوه.. ربنا ما يحطكوا في اللي هو فيه».

وقالت زوجة عصام صاصا عن شهادة شخص تواجد في مكان الحادث: «عصام كان بيقول إن فيه عربية جيلي جمبه وفي راجل هناك شغال شاف الحادثة وقال إن العربية الجيلي دي كانت هتخبط الرجل وهو حدف نفسه شمال مكنش شايف إن فيه عربية تانية ولا عصام كان شايفه واللي حصل قضاء ربنا».

ونشرت جهاد ماهر صور لمحادثة الشاهد صاحب السيارة «الجيلي» التي كانت بجانب عصام صاصا، والذي أوضح أن الحادث كان الساعة الخامسة فجرًا ولم يكن الضحية على الرصيف لكنه كان يعبر الطريق الدائري وكان سيكون مكان صاصا لكنه اتجه ناحية الشمال وتفادى الشخص.

حادث عصام صاصا

حادث عصام صاصا

واختتمت زوجة عصام صاصا قائلة: «عصام أكتبر واحد عمره ما بيرد على كلام الناس بس الطرف التاني ربنا يصبرهم يارب تم استغلالهم في وقت المفروض حد يقف جنبهم ويصبرهم وخلاهم يتكلموا وهما أصلًا مكنوش ي الواقعة بيقولوا إن أخوهم كان واقف على رصيف غلط الكلام ده غلط ومن أول يوم وعصام قال في النيابة إن الراجل ظهر في نص الطريق، وبما إن القضية بقت رأي عام وعصام كل ده مطلعش رد عشان الحالة اللي هو فيها كترت التجاريح والشائعات وإحنا لينا حق الرد ولازم تسمعوا الحادثة من الطرفين قبل ما تحكموا.. والنهاردة أن هطلع أدافع عن جوزي وفي شهود في الحادثة هيطلعوا يتكملوا لأن الظلم حرام أنا جوزي مش بيدوس على ناس بفلوسه أنا جوزي اللي كنتوا بتقولوا عليه سواق توك توك جابها من الصفر برضو وأحن قلب وأكتر واحد بيحس بالناس فأنا مش هسمح إن أي كلمة غلط تتقال عليه تاني».

ومن جانبه، اكتفى مؤدي المهرجانات عصام صاصا بتعليقه عبر خاصية الستوري التابعة لحسابه على انستجرام، قائلًا: «حسبي الله لا إله إلا هو عليه توكلت وهو رب العرش العظيم».

حادث عصام صاصا

حادث عصام صاصا

حادث عصام صاصا

حادث عصام صاصا

زوجة عصام صاصا

عصام صاصا