يسرا اللوزي: بتخض لما بشوف نفسي وعايزة اتخلص من طاقة رباب السلبية

كشفت الفنانة يسرا اللوزي تأثير شخصية رباب عليها، وهي الشخصية التي تقدمها ضمن أحداث مسلسل لام شمسية ضمن مسلسلات رمضان 2025.

قالت يسرا اللوزي عبر تصريحات تلفزيونية: «مش هفتي وأقول رباب بتروح معايا البيت بس في تقل بحس أني ببص لنفسي في المراية بلاقي نظرة عيني مش نظرة عيني».

يسرا اللوزي في مسلسل لام شمسية

وتابعت: «روحي فيها حاجة ناقصة، محتاجة أنا وقت أعمل حاجات تسعدني أحط مكياج وألبس لبس حلو وعايزة أقص شعري عايزة اتخلص من طاقة رباب السلبية».

واستكملت يسرا اللوزي: «بتخض لما بشوف نفسي في المسلسل قبل التصوير وأنا قاعدة ومش حاطة مكياج ببص لنفسي وبقول عادي شكلي مقبول، لما بشوف المشهد بقول هو أنا شكلي كده وشكلي مختلف».

تصريحات يسرا اللوزي

وفيما يخص ردود فعل الجمهور على شخصيتها ضمن أحداث العمل، ومطالبتها بعدم الصمت، علقت قائلة: «رباب في حالة وحشة في منطقة غامقة جدًا السبب الأساسي أنها متتكلمش عشان بنتها ساكتة ومستحملة عشان خايفة على بنتها أهم حاجة أنها متعرفش ومتحسش وده مش بالضرورة صح لأنها بتضر بنتها بطرق تانية لأن البنت مش فاهماها وحاسة أنها أم مقصرة».

مسلسل لام شمسية